Еден месец пред почетокот, исполнети сите капацитетите на саемот за мебел

Добивај вести на Viber

Еден месец пред да започне, меѓународна саемска манифестација “Мебел 2013“, веќе ги има исполнето сите свои изложбени капацитети. Како што информираат од Групацијата Ера-Скопски саем, саемот за мебел стана препознатлив бренд во оваа индустрија и се стекна со статусот како еден од најдобрите и најпосетени саеми во Македонија и пошироко во регионот. „Годинава, во периодот од 26 до 31 март , „Мебел 2013" ќе претставува вистинско место за промоција на најновите трендови во производството на мебел пред потрошувачите. Учество ќе земат околу 142 директни изложувачи кои покрај од Македонија доаѓаат и од Италија, Грција, Бугарија, Германија, Србија, Хрватска, Словенија, Косово, Австрија, Грција, Република Чешка и кои ќе треба да ја нахранатт потребата за функционалност, практичност, удобност, стил, современост, за креирање на ентериери и екстериери за спокојни домови и динамични работни простори. Од година во година забележително е и се поголемото учество на компании од Република Турција, кои и оваа година, ќе учествуваат во зголемен број“ информираат од Скопски саем. Минатата година оваа саемска манифестација ја посетија 50.000 посетители, а исто така и оваа година се очекува „Мебел 2013" да привлече уште поголем број на посетители во текот на шесте саемски денови. Традицијата на овој саем со стручно оценување на изложени експонати на саемот продолжува како и секоја година. Ќе се доделуваат награди во 2 категории: трговци и производители, со по 10 посебни категории. Збогатување на МЕБЕЛ 2013" ќе претставува и изложбата на антиквитетен мебел и уметнички слики во организација на Асоцијацијата за култура ИКОН, а ќе биде поставена во фоајето на Управната зграда на Скопски саем. Изложбата ќе претставува плод на универзалното братство на творештвото, магичен круг поставен за да ги поттикне убавите чувства за едни времиња