Едно исто лице во земјава дури три пати се заразило со коронавирусот
Објавено во: Македонија, Корона Вирус 21 Септември, 2021
Едно исто лице во Македонија дури три пати се заразило со коронавирусот.
Вкупно се регистрирани 522 реинфекции, заклучно со 19 септември. Овој податок стои во неделната анализа на Институтот за јавно здравје (ИЈЗ). Од пријавените случаи на реинфекција, 5 луѓе починале.
До 19 септември, пријавени се 187.068 случаи на ковид-19. Од нив, оздравеле 167.810, починале 6.472, а активни се 12.786 случаи.
Пријавени се 154 смртни случаи во 29 градови во текот на изминатата недела, најголем дел од нив се од Скопје (70), Куманово (12), Струмица (8) и Тетово (8). Најголем број (123; 79,9%) од починатите припаѓаат на возрасната група над 60 години.