ЕК ги критикува Рама и Тачи поради приказната за обединување на Албанија и Косово
Објавено во: Балкан 08 Април, 2015 14:51
Изјавите на албанскиот премиер Еди Рама и на косовскиот министер за надворешни работи Хашим Тачи за обединување на двете страни се апсолутно неприфатливи и провокативни. Тие не придонесуваат за политичката соработка во регионот, рече портпаролката на ЕК Маја Косинчич.
Специјалната порака на Косинчич е по повод изјавата на Рама и Тачи дека Косово и Албанија ќе стапат во класично обединување, ако Тирана и Приштина не се приклучат на ЕУ.
„Нагласуваме дека Западниот Балкан има јасна европска перспектива, која е усвоена на највисоко ниво. Брисел очекува од сите земји во регионот да водат добрососедска политика. Сите провокативни декларации, кои отстапуваат од оваа политика, се неприфатливи“, се вели во пораката на портпаролката на шефицата на ЕК за надворешна политика и безбедност Федерика Могерини и комесарот за проширување Јоханес Хан.
Рама и Тачи го направија овој заклучок пред косовската телевизија „Клан Косова“. Нивните изјави предизвикаа остра реакција во Србија, каде што премиерот Александар Вучиќ изјави дека Албанија и Косово никогаш нема да се обединат.
Можеби ќе ве интересира
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
Вучиќ до Хрватите: Србија купи нови авиони „Рафал“, a Хрватска половни
Парламентот на Бугарија едногласно ја прифати оставката на владата
Протест на земјоделците во Солун, граничните премини Евзони и Ники засега остануваат отворени
Тешки метали се откриени во керамички шолји во соседството
