ЕК: Нема изгледи за излегување на Грција од еврозоната
Објавено во: Балкан 10 Април, 2015 11:33
Европската комисија не гледа перспектива за излез или исклучување на Грција од еврозоната. Ова го велат од прес-службата на ЕК, коментирајќи публикација во европските медиуми за можно исклучување на Грција, во случај земјата да прогласи неможност за извршување на обврските за долговите, пренесоа агенциите.
"Правен механизам за исклучување на земјата од еврозоната не постои. Активностите на ЕК потекнуваат од порано дофатените аранжмани меѓу Грција и меѓународните кредитори на основа на новата програма за реформи за продолжување на меѓународната финансиска помош на Атина ", истакнаа од ЕК.
Претходно британскиот The Times изјави дека земјите од ЕУ готват план за исклучување на Грција од еврозоната, во случај во мај Атина да објави банкрот. По негови информации, таквите планови се изложени во документот, изготвен од Министерството за финансии на Финска во соработка со Германија. Авторите предупредуваат дека оваа пролет претстојат "тешки политички одлуки". "Со премолчена согласност на останатите земји од еврозоната започна процес кој како резултат може да заврши со исклучувањето на Грција од еврозоната", се вели во документот со датум 27 март.
Финска е убедена дека како резултат на спроведените во последните три години реформи и мерки донесени од Европската централна банка, еврото ќе успее да ги преживее последиците од евентуален неуспех на Грција од единствената европска валута ", нагласува весникот.
Можеби ќе ве интересира
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
Вучиќ до Хрватите: Србија купи нови авиони „Рафал“, a Хрватска половни
Парламентот на Бугарија едногласно ја прифати оставката на владата
Протест на земјоделците во Солун, граничните премини Евзони и Ники засега остануваат отворени
Тешки метали се откриени во керамички шолји во соседството
