Eкс градоначалникот на Демир Капија, Трајче Димитриев почина од коронавирусот
Објавено во: Македонија, Корона Вирус 04 Април, 2021
Поранешниот градоначалник на Демир Капија, Трајче Димитриев почина од Ковид-19.
Димитриев во два наврата по два мандата раководеше со демиркаписката општина. Тој беше на 63 годишна возраст. Оваа информација за МИА ја потврдија негови блиски и Петар Мојсов, поранешен претседател на демиркапискиот Совет на општина.
Блиски на поранешниот градоначалник појаснија дека Димитриев првин бил во болница во Кавадарци една недела, па во Скопје. Таман бил малку подобар, нагло му се влошила состојбата па починал.