ЕКС МИНИСТЕРОТ ГОРАН МИЛЕВСКИ ЗАМИНУВА ВО ЉУБЉАНА КАКО АМБАСАДОР: „Од Словенија има што да научиме“

Добивај вести на Viber

Горан Милевски ќе замине како амбасадор во Словенија. 

На седница на собраниската Комисија за надворешна политика денеска новоименуваниот амбасадор на земјава за Словенија, Милевски, ја претстави платформата за дипломатските активности што ќе ги има како вонреден и ополномоштен амбасадор. Милевски истакна дека Македонија со Република Словенија има исклучително добри билатерални политички односи и плодна и богата соработка на локално ниво, во областа на економијата, образованието, здравството, културата. 

„Од Словенија има што да учиме бидејќи од 2004 е членка на ЕУ и на НАТО, а во 2007 година е дел од еврозоната како и од Шенген зоната. Патот што тие го изедоа може да биде наш патоказ како да станеме дел од ЕУ, но и да го подобриме стандардот на граѓаните. Словенија е и најголем лобист на Македонија и за членство во НАТО, но и за членство во ЕУ. Словенија е моторот кој што цел Западен Балкан го влече во ЕУ и нашиот најзначаен стратешки партнер таму“, рече Милевски.

Милевски лани во септември си даде оставка од лични причини од министерското место во Министерството за локална самоуправа. 

Кон крајот на декември веќе имаше најава дека Милевски ќе биде амбасадор на Македонија во Љубљана. Претходно амбасадорка во Словенија беше Сузана Зеленковска. 

фото Фејсбук