ЕКС ШЕФИЦА НА МОСАД: Нападот со пејџери е совршено извршен

Добивај вести на Viber

Сима Шајн, поранешен шеф на истражување и анализа на израелската разузнавачка агенција Мосад вели дека нападот со пејџери врз групата Хезболах е изведен совршено. 

Шајн за „Скај њуз“ изјави дека детонацијата на пејџерот била „комбинација од три елементи, кои функционирале совршено“. Тие елементи, според неа, се „разузнавањето, технологијата и оперативните способности“. Таа додаде дека операцијата била „насочена кон оперативци на Хезболах, а не кон цивили“.

„Мислам дека кога ќе го видите големиот број повредени, ќе сфатите дека операцијата била многу прецизна и дека целта била само оперативци на Хезболах, а не цивили. Жал ми е за она што се случи во двата случаја на смрт на деца, но тоа не беше целта. Главната причина за нападот беше да се осигури дека голем број членови на Хезболах „нема да може да учествуваат во борбата и ќе бидат зафатени во помагањето на повредените. Се поставува прашањето зошто амбасадорот на една земја е вклучен во мрежата на терористичка организација во Либан“, вели Шајн.

Вчера имаше и друг напад врз Хезболах, односно им експлодираа воки - токи уреди на членови на групата. Групата се закани со одмазда. Инаку, групата повремено врши напади на Израел. 

Генералниот директор на либанската цивилна авијација Фади ел-Хасан издаде директива со која им се забранува на патниците да носат пејџери и воки-токи во кој било авион, објави државната новинска агенција NNA.