Ексклузивно со добитниците на конкурсот на АЕК за најдобра апликација

Добивај вести на Viber

Јана Стојменска и Максим Симоновски се едни oд добитниците на првите три награди кои ги додели Агенцијата за електронски комуникации на Република Македонија на конкурсот за изработка на најдобра апликација. Нивната идеја е да се направи апликација која ќе ги содржи сите апели за помош кои се добиваат директно од мобилните оператори во Македонија за собирање на средства на тие на кои им е најпотребна, како и за сите хумани луѓе кои сакаат да донираат. Кажете ни за идејата да настапите на конкурсот на АЕК за изработка на апликација? Максим: Идејата беше да направиме заедно со Јана некоја апликација која ќе биде уникатна и корисна. Нашето истражување покажа дека не постои мобилна апликација која би била посредник помеѓу лицата на кои им е потребна помош и лицата кои се хумани и сакаат да помогнат. Објаснете ни како функционира апликацијата? Јана: Главната функција на апликацијата е на едно место да се собираат сите апели за помош од нашите сограѓани, заедници и објекти од јавен интерес. Корисниците на Humanko апликацијата од листата можат да одберат одреден апел и да ги видат сите детали за него и со едноставно притискање на копче да направат донација. Исто така доколку сакаат можат апелот да го споделат на своите социјални мрежи Facebook и Twitter. Каква е достапноста на апликацијата и дали планирате да ја надградите, со некои нови опции? Максим: Во моментов апликацијата Humanko е достапна само за Android корисниците, поставена е на официјалниот Google Play Store и до неа може да се пристапи со линкот https://play.google.com/store/apps/details?id=com.core.humanko или со едноставно пишување на Humanko во делот за пребарување. Исто така можат корисниците на официјалната web страна http://humanko.org да се информираат за сите информации поврзани со апликацијата. Во моментов планираме да изработиме апликација и за останатите мобилни платформи со цел да биде достапна за што повеќе корисници. Имате ли план за изработка на нови апликации и која платформа има најголем просперитет според вас? Јана: Имаме план за изработка на нови апликации но, рано е да се зборува за нив, сите платформи имаат свои добри и лоши страни секако дека за почеток за развој на мобилни апликации Android платформата е најлесна и бара најмалку ресурси. Што мислите за развојот на македонските апликации, што најчесто користат македонците и каква перспектива има македонскиот пазар со новите смартфони? Максим: Постојат потреби кај македонските корисници на мобилни уреди за кои има простор да се изработуваат локализирани македонски апликации но, секако перспективата е многу поголема доколку се изработи апликација или игра за глобалниот пазар за што и постојат многу македонски успешни примери па би сакале и ние еден ден да направиме успех на тоа поле. Дополнителни информации можете да добиете од следниот линк: http://www.telefoni.com.mk/news-4413-Ekskluzivno-intervju-so-dobitnicite-na-konkursot-na-AEK-za-najdobra-aplikacija.html