Експлодира мотор на авион на аеродромот во „Ататурк“
Објавено во: Балкан 10 Април, 2015
На Истанбулскиот аеродром „Ататурк“ се случи еден инцидент кој можеше да земе многу жртви. Моторот на авион експлодирал додека авионот стекнал брзина за полетување.
Десниот мотор на иранската авиокомпанија „Qeshm Airlines“ не издржал и пукнал, соопшти сајтот на весникот „Sabah“.
Авионот требало да полета за Техеран. Пилотите успеале да го запрат авионот на кој му горел едниот мотор. Патниците веднаш биле евакуирани од авионот. Повредени во инцидентот нема.
Пожарот бил угасен итно од страна на пожарникарите. Парчиња од моторот биле распрснати по патеката, но навремено биле отстранети од тимови од аеродромот.
Аеродромот „Ататурк“ се наоѓа на европскиот дел на Босфорот во јужниот крај, во близина на Златниот рог.