ЕЛЕМ ќе дели стипендии и ќе обезбедува пракса за идните студенти

Добивај вести на Viber

ЕЛЕМ ќе стипендира студенти и постдипломци од областите рударство, истражување и експлоатација на енергетските минерални суровини, геомеханика и активности од областа на машинство. Со Меморандумот за соработка и договор за практична настава, кој денеска го потпишаа директорот на АД ЕЛЕМ, Дејан Бошковски, деканот на Машинскиот факултет од Скопје, Атанас Кочов и деканот на Факултетот за природни и технички науки од Штип, Зоран Панов, акцент на меѓусебната соработка ќе се стави на развој на едукативните активности. Според планот ќе се реализира континуирано образование на инженерско-технички кадар и ќе се стипендираат студенти и посдипломци за кои ќе има пракса во ЕЛЕМ. „Меморандумот за соработка со овие два факултети е исклучително важен документ, кој ќе ја подигне соработката на повисоко ниво. Овој меморандум е поттикнувачки и ќе ги даде само рамките од кои треба да произлезат други документи“, рече Бошковски. За време на потпишувањето на Меморандумот, директорот на ЕЛЕМ ги информираше новинарите дека се подготвува проектната документација за проектот Шар Планина, а во правата фаза која ќе се рализира оваа и наредната година ќе бидат изградени жичара, хотел и паркинг простор.  Најдоцна до утре  ЕЛЕМ до Регулаторна комисија за енергетика треба да ги достави трошоците на компанијата, кој ќе бидат значаен фактор во формирање на цената на електричната енергија.