Еликсир за здравјето, но купувачи нема, па го делат бесплатно
Објавено во: Агробизнис 24 Август, 2018
Во Топола во соседна Србија произвеле аронија, која е многу корисна за здравјето, но немаат кому да ја продадат, и за да не скапува на нивите ја делат бесплатно.
Производителите велат дека еден дел по нарачка ќе продадат, а другото ќе го искористат за слатко и сокови за себе и за пријателите, пренесе Б92.
Бојан Мијаиловиќ од селото Војковци вели дека оваа година има богат род, и за да не пропадне, ја нуди аронијата и бесплатно.
„Во селото тројца имаме аронија и принудени сме да ја подаруваме. Нека дојдат луѓето да ја оберат, да ја преработат и да ја имаат дома како лек. Ја продаваме за 100 динари по килограм ако некој нарача, а другото или го подаруваме или ќе пропадне“- вели тој.
Додава дека за одгледување аронијата не бара многу труд, но има обилен род.