Ентериерот на „Литература.мк“ во „Дајмонд мол“ - најдобар според Асоцијацијата на архитекти на Македонија
Објавено во: Мои пари 22 Октомври, 2025 12:47
Ентериерот на книжарницата „Литература.мк“ во „Дајмонд мол“ е прогласен за најдобар на овогодишните награди што ги додели Асоцијацијата на архитекти на Македонија (ААМ).
На 20 октомври, во рамките на официјалното затворање на БИМАС XXII – Биенале на македонската современа архитектура, што се одржа во Музејот на современата уметност – Скопје, „Платформа“ ја доби престижната награда во категоријата реализација од областа ентериер и дизајн за книжарницата „Литература.мк“. Автори на проектот се архитектите: Емил Јегени, Елена Икономов, Јасна Милојковиќ-Муратовска, Веле Богоевски, Ана Момировска и Јосиф Николовски.
Ова е втора награда за „Платформа“ поврзана со ентериер на книжарница „Литература.мк“. Во 2023 година тие го добија признанието за најдобар ентериер и за книжарницата во „Скопје сити мол“.
Книжарницата „Литература.мк“ и кафе-барот „Кафе Литература“, лоцирани на првиот кат во трговскиот центар „Дајмонд мол“ во центарот на Скопје, почнаа со работа на почетокот на 2024 година. Сместени се на вкупна површина од 600 квадратни метри. Со својот впечатлив, современ внатрешен дизајн, инспириран од изгледот на Старата железничка станица, која се наоѓа во близина, ова е една од најпосетените и најпрепознатливите книжарници во Скопје.
Во книжарницата се понудени околу 55.000 книги, едукативни изданија, богата гифт-програма, материјали за училиште, декорации за домот, играчки, интерактивни изданија, како и производи за хоби и колекционери.
Во нејзиниот состав функционира и „Кафе Литература“, кое за кратко време прерасна во едно од омилените места за дружење, но и во препознатлив културен центар – со над 100 организирани настани: книжевни промоции, концерти, предавања, конференции, театарски изведби и детски програми.
*ПР објава
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Пакомак најави отворање на нов погон за секундарно селектирање на отпадот, каков што нема никаде на Балканот
Халкбанк со донација на компјутерска опрема ја зајакнува дигиталната настава во ДУЦОР „Партенија Зографски“
Стопанска банка финансиски ќе поддржи нови 16 инклузивни проекти како дел од седмото издание на „Сонуваме.Менуваме“
ВИДЕОЛОТАРИЈА КАСИНОС АВСТРИЈА – ПОДДРЖУВАЧ НА КУЛТУРАТА: ШЕХЕРЕЗАДА ВО МОБ
Каде ќе бидеш ти кога ќе се решава најинтензивната F1 сезона досега?
Постепено месечно вложување: најлесен начин да ги остварите вашите цели
Business for Business форум 2025 - Комерцијална банка ги спои иновациите со успешните бизнис приказни
АмЧам избра нови членови во Одборот на Директори и го прослави 25 годишниот јубилеј
