ЕПП загрижена за Македонија и Балканот, проширување на ЕУ нема да има скоро

Добивај вести на Viber

Европската народна партија (ЕПП), која е најбројна групација во Европскиот парламент е загрижена за состојбата во Македонија, Косово и во Босна и Херцеговина, како и на целиот Балкан, изјави претседателот на ЕПП во европскиот законодавен дом, Манфред Вебер. 

Како што јави дописникот на МИА од Стразбур, според германскиот политичар на чело на најголемата европска политичка партија, ЕПП е посебно загрижена затоа што работите се влошуваат, тензиите се зголемуваат на Балканот. Како што рече Вебер, Европската унија не може да вети нешто повеќе со оглед на тоа што проширувањето на Унијата нема да се случи следните години, па и, според него „ниту во следната деценија“.

„Неодамна бев во Хрватска и дискутирав со нивниот претседател и со спикерот на Парламентот за состојбата во регионот. Алармантни се состојбите во Босна и Херцеговина, Македонија и на Косово. Работите таму се влошуваат и гледаме зголемени тензии. Загрижени сме за Балканот, бидејќи го сметаме за дел од Европа“ - вели Вебер.

Според него,  поголем проблем за земјите од балканскиот регион е тоа што ЕУ нема што да им понуди:

Вели дека проширување нема да има следните години, а можеби и следната деценија. 

Вебер се осврна и на случувањата поврзани со Турција. 

На денешниот брифинг со новинарите во Стразбур, германскиот европратеник истакна дека посебно загрижува развојот на настаните во Турција и нападите над земји-членки на ЕУ и во целост на Европската унија.