Ердоган фатен на дело – со син му се договарале како да се ослободат од милиони евра?

Добивај вести на Viber

Нов скандал го тресе турскиот премиер Реџеп Тајип Ердоган, откако во јавноста се појавија аудио снимки на кои наводно тој се договара со неговиот син како да се ослободат од огромните суми пари стекнати со корупција, кои се наоѓале во нивниот дом. Станува збор за милионски суми евра, кои двајцата се договараат како да ги расчистат, во екот на полициската истрага за корупција во турската Влада. Ердоган тврди дека снимките не се автентични, туку дека се „лажни и производ на неморална монтажа“, а најавува и дека оние кои ги поставиле на Јутјуб ќе одговараат за „валкана завера против Турција“. Во корупцискиот скандал што кон крајот на минатата година започна да ја тресе турската Влада, беа уапсени синовите на неколкумина министри поставени од Ердоган. Тој отфрли секаква вмешаност во случајот. На аудио снимката објавена на Јутјуб, наводно, Ердоган и неговиот син се договараат како да ги испразнат сефовите во домот, а парите да ги префрлат на друго место. Притоа, во еден момент, турскиот премиер му кажува на синот да ги предупреди и сите поблиски роднини да го направат истото. Аудиото можете да го слушнете на следниот линк: http://www.youtube.com/watch?v=M3lFQxhaeDE А преводот на англиски јазик ќе го најдете ТУКА.