Ердоган го блокира Твитер, Турците му тераат инает

Добивај вести на Viber

Популарната мрежа Твитер не е достапна во Турција. Турскиот премиер Реџеп Тајип Ердоган беше сериозен кога се закани дека ќе ја блокира оваа платформа, која често се користи за негова критика и ширење на информации за наводни коруптивни активности во власта. Според податоците на турските телекомуникациски власти, судот наредил блокада, бидејќи платформата ги повредувала правата и приватната сфера на турските државјани. Твитер се противел да ги следи одлуките на турските судови, затоа морало да бидат спречени натамошни кршења на правните одредби. Но, твитер заедницата во Турција не се предава лесно. Па така, само неколку часа по објавата на блокадата, Твитер објави инструкции за своите корисници во Турција како можат да ја заобиколат ваквата забрана. Набрзо потоа, твитерџиите пуштиле дури 2,5 милиони твита или микробологови, што е своевиден рекорд за оваа земја. Во медиумите беа објавени и голем број карикатури кои ја исмеваат желбата на турскиот премиер да го контролира Твитер и социјалните мрежи воопшто. Со забраната не се согласува ниту турскиот претседател Абдула Ѓул, кој токму користејќи ја оваа платформа испрати порака дека целосното исклучување на Твитер во турција не е прифатливо и оти тој се надева дека оваа постапка набрзо ќе биде исправена.