Ердоган на Џафери му ја потврди турската поддршка за НАТО
Објавено во: Македонија 20 Април, 2018
Турција и натаму ќе биде еден од нашите најголеми сојузници како и голем поддржувач за зачленување во НАТО, е главната порака од средбата меѓу македонскиот собраниски спикер Талат Џафери и претседателот на Турција Реџеп Таип Ердоган.
Ердоган потенцира дека Турција беше една од првите држави што ја призна Македонија под нејзиното уставно име и оти таа прва отвори амбасада и назначи амбасадор во земјата.
Турскиот претседател се осврна врз потребата за интензивирање на економската соработка, реафирмирајќи ја заложбата годишната трговска размена меѓу Турција и Македонија да се искачи на милијарда долари.