Ердоган остро кон Израел: „Го критикувате Хитлер, а вие сте полоши!“

Добивај вести на Viber

Турскиот премиер Реџеп Тајип Ердоган упати остра порака до израелските власти заради воената интервенција во Појасот Газа. Според него, Израел со нападите врз цивилното население во Газа „го надминал Хитлер“. „Во името на Бога, во што е разликата меѓу злоделата на Хитлер и ова што го прави Израел? Зошто се вознемируваат? Израелците треба да бидат задоволни со оваа моја споредба. Им се обраќам на израелските власти - вие правите многу полоши работи кон Палестина од оние што Хитлер им ги направил на вашите предци. Колку и да било тоа ужасен геноцид, ова што ти го правиш е полошо. Па во што е разликата меѓу реториката на Хитлер и ова што го зборува денеска младата израелска парламентарка, која кажа дека треба да се убијат сите палестински мајки и дека убиството на палестински трудници е - две глави со еден куршум“, рече Ердоган, говорејќи како кандидат на предизборен митинг во турскиот град Хатај. Нагласувајќи дека Турција е против хитлеровото зло и против антисемитизмот, Ердоган порача дека истовремено Турција е и против државите како Израел кои „одат по стапките на Хитлер“. „Колку што сме против антисемитизмот, толку се противиме и на исламофобијата. Затоа ќе бараме правда гласно колку што можеме. Израел најостро ќе го осудуваме, па и ако тоа му смета некому. Ќе продолжиме да го штитиме палестинското прашање“, рече Ердоган. Израелскиот премиер Бенјамин Нетанјаху смета дека споредбата на офанзивата на Израел го Газа со геноцидот извршен од Хитлер за време на Втората светска војна е токму „во духот на антисемитизмот“. Слушнав што кажал турскиот премиер. Тоа се многу тешки зборови. И на американскиот државен секретар Џон Кери му кажав дека тоас е антисемитски изјави, во антисемитски дух“, рекол Нетанјаху.