Ердоган се гордее со тоа што е „црн Турчин“
Објавено во: Балкан 26 Јуни, 2015
„Се гордеам што припаѓам на т.н. црни Турци и дека критичарите не можат да ги „проголтаат“ моите блиски односи со турскиот народ“.
Тоа, го изјавил турскиот претседател Реџеп Таип Ердоган за време на традиционалниот месец Рамазан вечерта за ифтар, со која се прекинува дневниот пост на муслиманите.
„Нарекувајте ме црн Турчин. Се гордеам да бидам црн Турчин. Не сум непристрасен претседател, јас сум на страната на народот“, додал тој.
Ердоган го користи терминот „црн Турчин“, за да изврши контролна разлика меѓу терминот употребен за него, и т.н. бели Турци, како што е наречена световната елита, која се употребуваше во Турција со децении за време на републиканскиот период.
„Вашиот брат Таип припаѓа на црните Турци“, изјавил во една прилика Ердоган, чиј електорат е составен главно од конзервативното, религиозно население - т.н. црни Турци.
Претседателот на анкарската Филијалата на Комората на архитекти Тезџан Каракуш Джандан издал соопштение во кое ги критикува изјавите и тврди дека цената на масата се пресметува на 240 илјади турски лири (89 500 долари).
Според две од водечките социолошки агенции во Турција - Конде и Енди-ар, младите луѓе во Турција масовно преферирале да не гласаат за владејачката досега исламско-конзервативна Партија на правдата и развојот на парламентарните избори на 7 јуни.
Гласовите на младите луѓе се зголемил на Партијата за националистичка акција, која е трета политичка сила, и за прокурдската Демократска партија на народите, која за прв пат се појави самостојно на овие избори и освои околу 13 отсто од гласовите.