ЕСЕН Е ВРЕМЕ ЗА СТАРТ:  Профитабилен агробизнис со заработка од 6.000 до 7.000 евра!

Добивај вести на Viber

Интересот за производство на лешници во земјава се зголемува, а италијанските откупувачи во Виница веќе градат откупен и преработувачки капацитет. Кон средината на следниот месец, почнува садењето на лешниците од сортата “Тонда џентиле делла ланге”, од која понатаму се произведува светски познатиот чоколаден крем Нутела. Во овој период треба да се набават садниците и да се подготви земјиштето. Единствениот овластен застапник на садници за лешници од оваа сорта Саше Крстевски, советува производителите да внимаваат на каква почва ќе го извршат садењето и со какви губрива ќе ги прихрануваат садниците. Цената на еден садник е три евра. -Сите заинтересирани замјоделци во овој период резервираат садници од нашата сорта “ТОНДА ЏЕНТИЛЕ ДЕЛЛА ЛАНГЕ”. Ова е сортата која ние ја увезуваме, е една од најбараните сорти на европскиот и италијанскиот пазар, а  73% од кондиторските индустрии го користат овој лешник. Се одлучувме за оваа сорта бидејќи е дефицитарна. Интересот за оваа сорта е огромен. При садењето најпрво треба да се внимава на каква почва ќе се засади насадот, и прво нешто што треба да се направи е анализа на почвата. [caption id="attachment_175839" align="aligncenter" width="618"] Садникот е едногодишен и истиот треба да пророди после втората година откако е засаден, а од 3-4 година ќе почне да го зголемува капацитетот на раѓање.[/caption] Им препорачувам на сите оние кои планираат да садат лешници  оваа година да си направат анализа на почвата за да знаат понатаму со какви ѓубрива да ја прехрануваат земјата за правилно да се одгледуваат насадите. Најважниот услов при одгледувањето на лешниците е водата, сонцето и прихраната со ѓубрива. Земјиште треба  длабински да се изора, до 50 сантиметри во длабочина. Откако земјиштето убаво ќе се изработи, се пушта тањирача за да се израмни површината за да може потоа да влезе возило кое би ги ископало дупките за насадот. Јас во мојот случај дупките за насадот ги копав со багер (50 сантиметри ширина, 50  сантиметри длабочина). Откако ќе се направат дупките се става една до две лопати шталско кравјо прегорено ѓубриво. Потоа ѓубривото се покрива со 3-4 лопати земја и се става садникот за да се засади на длабочина од 40 цм. На садниците им се става земја и убаво се тапкаат за коренот да не прима воздух. По овие постапки, на крај се додава 10 литри вода по садник, вели Саше Крстевски, производител на оваа сорта на лешници и овластен застапник за садници. Садникот е едногодишен и истиот треба да пророди после втората година откако е засаден, а од 3-4 година ќе почне да го зголемува капацитетот на раѓање. Лешникот е дрво кое живее од 70- 100 години, а раѓаат плод од 50-70 години. Според стручната литература, во полн род од едно стебло се добиваат 8-12 килограми. Во зависност од формирањето на круната, густината на садење, староста, сортата и агротехничките мерки, лешникот има род од 2,2 тона па до 3,6 тони по хектар. Профитабилен агробизнис со заработка од 6.000 до 7.000 евра Крстевски има засадено  1.000 садници  со лешници од оваа италијанска сорта, а годинава планира да ја зголеми површината, поради профитабилноста на овој бизнис. [caption id="attachment_175843" align="alignright" width="421"] Крстевски во соработка со италијанските откупувачи во Виница на 1.200 метри квадратни градат откупен и преработувачки капацитет.[/caption] Годинава дел од поголемите светски производители на лешници имаа намалено производство поради што малопродажната цена на лешниците драстично се зголеми. Во моментов килограм лешници се продава од 160 до 180 денари. За граѓаните прескапо, но за производителите тоа значи поголем ќар. Откупната цена за килограм некршен лешник е 5 евра. - Пред да почнеме да увезуваме садници имавме засадено тест садници во Виница за да видиме како ќе напредуваат. После двегодишен надзор од италјанскиот агроном на тест садниците, тој воочи дека Македонија е идеално подрачје за одгледување на оваа италијанска сорта на лешници “ТОНДА ЏЕНТИЛЕ ДЕЛЛА ЛАНГЕ”, бидејќи имаме долги и топли лета и доволна количина на вода, како и добра вегетација. Се надевам на добра заработка бидјќи ја знаеме како се движи цената во моментот на берзата. Првата продажба се очекува за следната година, бидејќи насадот ќе биде во четврта година. Очекувам од едно стебло до 0.5 до 1 килограм лешници. Јас располагам со 1.000 садници, а есенва ќе засадам над 1.000 нови садници. Малопродажната цена е сеуште висока, бидејќи Турција која е најголемиот одгледувач на лешници, годинава не може да ги задоволи своите потреби за лешник и затоа цената на лешникот е толку висока. Овој агробизнис е исплатлив бидејќи вложуваш околу 2.500 евра во првата година по хектар, а очекуваш од шестата до седмата  година  6000-7000 евра профит по хектар, и како понатаму ќе напредуваат стеблата ќе се зголемува и заработката, вели Крстевски. Еве за што и колку чини инвестицијата:

• 600 садници = 1.800 евра
• За риголовање =350 евра
• За ископување на дупки =200 евра
• Прегорено ѓубре =50 евра
• Работници =100 евра

Се гради откупен центар за лешници Крстевски во соработка со италјанските откупувачи во Виница на 1.200 метри квадратни  градат откупен и преработувачки капацитет.  Се очекува ценатрот да почен со работка од следната година. Крстевски работи со кооперанти, а  со оваа сорта лани се засадени 100 хектари. На своите кооперанти им нуди загарантиран пласман, но  договор за откуп на родот, кој заинтересираните го потпишуваат кога ќе го купат садникот.Во цената е вклучен и сврдел за правење на дупките и правосмукалки за собирање на родот. Дополнитено на кооперантите им се нуди и бесплатен совет од итлајански агрономи, кои ги посетуваат парцелите и гио следат од моментот на садење се до бербата и им укажуваат на производителите на што да внимаваат. [caption id="attachment_175841" align="alignright" width="421"] Италијанците пресметале дека поевтино ќе ги чини ако откупуваат лешници од Македонија, отколку од Чиле, Аргентина и други подалечни земји за што имаат огромни транспортни трошоци.[/caption] Лешниците ќе се пласираат во италијанската компанија Ferrero и се користат за производство на познатиот чоколаден крен Нутела. -Во тек е изградбата на откупниот центар кој се наоѓја во Виница и е на површина од 1.200 м2. Во моментот се работи на темелите и столбовите, со тоа што планираме до есен да завршиме со изградбата и догодина да стартуваме со откуп. Бидејќи сортата на лешници е италјанска и самиот род ќе оди за италјанскиот  пазар. Садниот материјал нашите клиенти го добиваат со италјански сертификат и договор за откуп на родот.  Р. Македонија е идеално подрачје за одгледување на лешникот.. Најголеми производители на лешници во светот се Турција, Италија, Грција и  САД. Сепак лидер во ова производство е Италија. Но поради големата побарувачка постојано има недостиг на лешници. Италијанците пресметале дека поевтино ќе ги чини ако откупуваат лешници од Македонија, отколку од Чиле, Аргентина и други подалечни земји за што имаат огромни транспортни трошоци. Ј.С