Етихад ервејс од 1 септември ќе го преземе управувањето со Јат ервејс

Добивај вести на Viber

Од 1 септември Етихад ервејс планира да го преземе управувањето со српската национална авиокомпанија Јат ервејс, објавија белградските медиуми. „За кусо време, Јат ервејс ќе работи како Ер Србија, но формално правно нема веднаш да го промени името. Кога тоа ќе се случи, компанијата ќе го промени и својот оперативен авиокомпаниски сертификат (Airline Operating Certificate AOC – велат од Етихад ервејс. Владата на Србија на 1 август со Етихад ервејс потпиша договор за стратешко партнерство со кој компанијата од Обединетите Арапски Емирати ќе стане сопственик на 49 проценти од капиталот. Јат ервејз сега има 1.250 вработени, од кои околу 170 се пилоти, околу 200 кабински персонал, а поседува флота од 10 авиони од типот боинг 373-300 и четири АТР 72. Меѓутоа како што вчера во објавивме, во ЈАТ Ервејс се проценува дека дури 300 до 500 вработени се вишок. Поради тоа започна доброволното пријавување на вработените за заминување од компанијата. Владата на Република Србија ќе ја финансира социјалната програма на компанијата и секој вработен кој доброволно ќе го напушти ЈАТ Ервејс, ќе добие опремнина во висина од 300 евра за секоја година од работниот стаж. Синдикатот бараше од 450 до 500 евра по година работен стаж, но ќе добие 300.