ЕУ и дава 1,5 милијарди евра помош на Србија
Објавено во: Балкан 07 Февруари, 2015
Србија во наредните седум години од Европската унија ќе добие 1,5 милијарди евра безповратна помош за повеќе видови на реформи, изјави српската министерака за европски интеграции Јадранка Јоксимовиќ, јавуваат српските медиуми.
Гостувајќи на една телевизија, изјавила дека тие средства приоритетно ќе бидат насочени во сообраќајната инфраструктура, енергетика, реформа во државната администрација, земјоделството, животната средина, како и други области.
Јоксимовиќ додала дека за добивање на тие средства постои јасна процедура која бара многу работа, и дека за прв пат од оваа година средствата од ЕУ ќе може да ги користат и српските земјоделци, пренесува Танјуг.