ЕУ: Препорака за укинување на заштните маски кај авионските летови

Добивај вести на Viber

Европскиот центар за превенција и контрола на болести (ECDC) и Европската агенција за воздухопловна безбедност (EASA) препорачуваат олабавување на мерките, односно на заштитните маски, како на аеродромите така и при летовите, пренесува Катимерини.

Конкретно, ECDC и EASA во заедничко соопштение ја укинуваат препораката за задолжителна употреба на медицински маски на аеродромите и на летовите, притоа посочувајќи дека маската сè уште е една од најдобрите мерки на претпазливост против пренесување на COVID-19. Новата препорака ќе стапи на сила на 16 мај.

Сепак, треба да се напомене дека правилата специјално за маски ќе продолжат да се разликуваат во зависност од авиокомпанијата. На пример, компаниите кои летаат до или од дестинација каде што сè уште е потребно маски, треба да се придржуваат до употребата.

Препораките вклучуваат и олабавување на построгите мерки за воздухопловните активности.

- Правилата и барањата на земјите на поаѓање и дестинација треба доследно да се почитуваат и спроведуваат, а операторите треба да обезбедат дека патниците се навремено информирани за сите потребни мерки, изјави директорот на ECDC Андреа Амон.

Од своја страна, извршниот директор на EASA, Патрик Ки, истакна дека „од следната недела маските повеќе нема да мора да бидат задолжителни при воздушниот сообраќај во сите случаи, генерално усогласено со применливите барања на националните власти во цела Европа“.