Еуростандард заинтересирана за понудата на Комерцијална банка
Објавено во: Економија 27 Септември, 2019
Еуростандард банка е заинтересирана за понудата од Комерцијална.
Банката ја известила Комерцијална банка дека нејзините раководни органи ќе соработуваат за овој процес да заврши успешно.
„Еуростандард банка АД Скопје денес ја извести Комерцијална банка АД Скопје во врска со нивното обраќање до нас за првичниот интерес за стекнување со нашите акции.
Акционерите на Еуростандард банка АД Скопје ги задолжија органите на управување на банката да пристапат кон предходна постапка за размена на информации со цел за успешно стекнување на акциите.
Овој процес ги засилува вложувањата на Еуростандард банка АД Скопје во развој на своите услуги и продукти и да ја следи својата мисија за континуиран напредок и развој на своето работење во сите негови сегменти, почнувајќи од човечкиот капитал, технологијата, разновидноста на своите производи и услуги, секогаш имајќи ги во фокус своите клиенти, задоволување на нивните финансиски потреби и секако, нивната успешност“, соопшти денеска Еуростандард банка.
Комерцијална банка вчера објави дека, како што нагласија, во оваа рана фаза постапката не претставува намера за преземање и во ниту еден аспект нема обврзувачки карактер, освен да го изрази првичниот интерес во рамки на претходна постапка да се стекнат информации, врз основа на кои би се дефинирала евентуална намера за преземање во иднина.
„Поради тоа, ова Известување не треба да се толкува како официјална Намера за преземање на акциите издадени од Еуростандард банка АД Скопје“, соопштија од Комерцијална банка.