Добивај вести на Viber
Во друштво со Албанија и Србија, Македонија е една од трите земји во Eвропа чии граѓани имаат најнизок стандард. Според новите мерења на европската статистика Еуростат, за потрошувачката на граѓаните во земјите членки на ЕУ и замјите кандидати за членство, земјава и лани останува во групата на најсиромашни, со само 36% во однос на европскиот просек. Оваа позиција, која го одразува БДП по глава на жител, односно стандардот, Македонија успеа да ја промени незначително. Имено, во 2011 та година и 2012 та година, македонскиот стандард бил 34% во однос на европскиот просек, додека во 2013 та година и 2014 та година тој се искачил на 36% во на ЕУ просектот.
“Од другите земји кандидати, Црна Гора, Поранешна Југословенска Република Македонија и Србија се помеѓу 60% и 70% под просекот на ЕУ-28. Земјата-кандидатка за ЕУ, Албанија и потенцијалниот кандидат, Босна и Херцеговина имаат ниво на БДП по глава на жител околу 70% под просекот на ЕУ-28“, се наведува во новото мерење на европската статистика.
Лани, според БДП по глава на жител, Македонија практично е во друштвото со Албанија, чиј просек е 29% во однос на европскиот, и со Србија чиј БДП по глава на жител е 35% во однос на просекот во ЕУ.
Меѓу најбогатите земји и во 2014 та година остануваат Луксембург, Белгија, Германија.
“Италија и Шпанија се со БДП по глава на жител помал за 10% под просекот на ЕУ-28. Тука се и економиите на Кипар, Малта, Чешка и Словенија, со помалку од 20% под европскиот просек. Ниво на БДП по глава на жител на Португалија, Словачка, Литванија, Естонија и Грција е помал за 30% во однос просекот на ЕУ-28. Следува групата во која се Унгарија, Полска и Летонија со ниво на БДП помало од 40% под просекот. Земјите-членки на ЕУ како Хрватска и Романија, се речси си на исто ниво со земјата-кандидат Турција, со БДП по глава на жител со просек од 50% во однос на европскиот просек“, се посочува во новиот извештај на европската статистика.
Меѓу земјите членки на ЕУ, чии граѓани имаат најнизок стандард во однос на европскиот просек се Бугарија, Хрватска и Романија.