„ЕВРОПА МОЖЕ ДА БИДЕ НАШ ПАРТНЕР АКО ПРИФАТИ ДЕКА МАКЕДОНСКИОТ НАРОД ПОСТОИ“: Димовски го коментира вчерашното гласање за извештајот за Македонија
Објавено во: Македонија 10 Јули, 2025 07:10
Илија Димовски од ВМРО-ДПМНЕ, со реакција за бришењето на македонски од извештајот за Македонија.
„Европратеници од Грција и Бугарија, под покривот на самата Европска Унија, експлицитно го негираа постоењето на македонскиот народ, неговиот јазик и идентитет, па повторно дури и нашето право на името Македонија.
Тоа, од патриотски и интелектуални причини, не смееме да го преќутиме.
Овој настап не е спорадична и ретка реторичка или политичка екскурзија, туку е дел од долгогодишни државни стратегии на двете наши мили братски православни сосетки кои систематски произведуваат „научни“ трудови, правни акти и дипломатски притисоци чија крајна цел е сведување на македонскиот национален субјективитет на фолклорна географска аномалија.
Да повториме сосема гласно, не заради нас, туку заради изгубените вредности кај нашите соседи:
- прво, македонски народ постои;
- второ, македонски јазик постои;
- трето, тие имаат свој временски и географски континиум кои се подолги и поназад од последните сто години и се пошироки и поголеми од географските граници на модерната македонска држава;
- четврто, македонско малцинство постои и во Бугарија и во Грција;
- петто, на македонските малцинства во Бугарија и Грција, земји членки на човекољубивата ЕУ, не само што не им се признаваат основните човекови права, туку и им се забранети.
Самоприпишувањето како Македонец е jus naturale што ниту една демократска држава нема право да го суспендира. Тоа право не може да го суспендира ниту Грција, ниту Бугарија, ниту пак Република Македонија, па и какви договори тие да склучиле меѓу себе. Исто така, карактеристиките на идентитетот кои стојат зад самоприпишувањето Македонец се природно право на секој човек и не може да се ограничува со никакви државни или меѓудржавни акти.
Република Македонија не е само административен ентитет, туку таа е conditio sine qua non на македонскиот историски проект.
Ако државата не го заштити секој Македонец, внатре и надвор од границите, ако не го заштитува природното право да се биде Македонец, тогаш таа и ја губи смислата на нејзиното формирање.
Македонија е единствена национална татковина на Македонците.
Правото на грижа за Македонците е природно право на државата Македонија, каде и тие да живеат.
Македонскиот јазик, историја, име и идентитет не смееа и не се монета за политички размена.
Европа може да биде наш партнер само ако прифати дека македонскиот народ постои и со право бара почитување на универзалните стандарди што Унијата самата ги проповеда.
Ако молчиме, се согласуваме со негацијата.
Бидете гласни и кажете: Македонците ги бараат своите човекови права, и во Македонија и во сите соседни држави“, напиша тој.
Можеби ќе ве интересира
ФАКТОР НА ДЕНОТ: Надминат прагот на загадување во повеќе општини, издадени се препораки
ФАКТОР НА ДЕНОТ: Надминат прагот на загадување во повеќе општини, издадени се препораки
ПРЕПОРАКА: Бремените и хронично болните да се ослободуваат од работа
ПРЕПОРАКА: Бремените и хронично болните да се ослободуваат од работа
(ВИДЕО) Русковска го пријавила Боки 13 во полиција за телефонско вознемирување
(ВИДЕО) Русковска го пријавила Боки 13 во полиција за телефонско вознемирување
Мицкоски за реакцијата на грчкото МНР: За мене Македонија е свето име
Мицкоски за реакцијата на грчкото МНР: За мене Македонија е свето име
Двајца затаиле данок од над еден милион евра од трговија со злато и накит, обвинителството бара притвор
Двајца затаиле данок од над еден милион евра од трговија со злато и накит, обвинителството бара притвор
Пријава од полиција: Кандидат за градоначалник давал по 1.000 денари за да се гласа за него
Пријава од полиција: Кандидат за градоначалник давал по 1.000 денари за да се гласа за него
ГОТОВ Е ОБДУКЦИСКИОТ НАОД НА ПОЧИНАТОТО НОВОРОДЕНЧЕ: Причина за смртта е незрелост на белодробието
ГОТОВ Е ОБДУКЦИСКИОТ НАОД НА ПОЧИНАТОТО НОВОРОДЕНЧЕ: Причина за смртта е незрелост на белодробието
ВМРО-ДПМНЕ ИЗГЛАСАЛЕ ИЗМЕНИ НА ЗАКОНОТ ЗА СТРАНЦИ: Кузеска тврди тоа е за потребите на стратешкиот договор, за стратешки проекти
ВМРО-ДПМНЕ ИЗГЛАСАЛЕ ИЗМЕНИ НА ЗАКОНОТ ЗА СТРАНЦИ: Кузеска тврди тоа е за потребите на стратешкиот договор, за стратешки проекти
Надминат прагот на загадување во Центар, Гази Баба, Карпош, Лисиче и Ректорат, објавени мерки и препораки
Надминат прагот на загадување во Центар, Гази Баба, Карпош, Лисиче и Ректорат, објавени мерки и препораки
