ЕВРОПСКИОТ ФРОНТ ПОДНЕСЕ ЧЕТИРИ ИНТЕРПЕЛАЦИИ: Незадоволни се од работата на Тошковски, Стоилковиќ, Меџити и Исени
Објавено во: Македонија 03 Декември, 2024 18:35
Европскиот фронт денеска поднесе 4 интерпелации.
Интерпелациите се за вицепремиерите Изет Меџити и Иван Стоилковиќ и за министерот за внатрешни работи Панче Тошковски и неговиот заменик Астрит Исени.
Координаторот на пратеничката група на ДУИ, Блерим Беџети, денеска на прес-конференција изјави дека интерпелацијата ја поднесуваат за работата на четворица членови на Владата, за кои наведе дека се без етнички легитимитет.
Беџети за Тошковски и неговиот заменик Исени, рече дека тие на денот на празникот на албанското знаме, како одговорни лица, и наредиле на полицијата на невиден и неоправдан начин да интервенира, спречувајќи мирна и традиционална манифестација на Албанците.
За вицепремиерот Меџити, Беџети рече дека е одговорен за лошото управување со состојбите кои се случуваат во државата, како и за меѓуетничките односи.
„Наместо да дејствува како гарант на меѓуетничкиот мир и интеграција, тој не успеа да ги заштити интересите на албанската заедница и да придонесе за зачувување на социјалната и меѓуетничката хармонија. Напротив, толерираше дискриминација, селективна правда од страна на надлежните органи и молчеше за повторените неправди што ги трпи оваа заедница“, рече Беџети.
Од „Вреди“ велат дека ДУИ треба да си поднесе интерпелација самата на себе. Додаваат дека ДУИ создаде проблеми и дека вината ја префрла на друг.
Можеби ќе ве интересира
Ѓорѓиевски: Донесен е ребалансот на Буџетот - обезбедени се средства за булевари, паркови, зголемени капитални инвестиции!
Филков: Секој потрошен денар во судството мора да биде оправдан со резултати
БГНЕС го критикува Николоски дека е лицемерен и дека Бугарите претходно ги нарекол „бедници“
Блерим Беџети: Кривичната пријава против мене е за да ме придобијат во мнозинството
Коцевски: Еден примерок вештачење на сомнителниот мазут чини 1.500 евра, а треба да провериме 300
ОЈО БАРА ПРИТВОР ЗА СКОПЈAНЕЦ КОЈ НАПАДНА 12 ГОДИШНО ДЕТЕ - го пресретнал на булевар и без причина го удирал со тупаници и клоци по лице и тело
ЦАРИНАТА ЗАПЛЕНИЛА 2.500 ИНФУЗИСКИ МЕДИЦИНСКИ СЕТА: Игли, шприцеви, канили и системи за инфузија
Судиите со отворено писмо до Мицкоски: Вашите коментари ја преминаа границата
ЕВЕ КОЈ ЌЕ ЈА ВОДИ КОМУНАЛНА ХИГИЕНА: Драги Митковски ќе седне на директорското столче
