Евроскептиците и нанесоа удар на Европската унија

Добивај вести на Viber

Досегашниот претседател на Европската комисија Жозе Мануел Баросо синоќа ги повика проевропските групи во новиот Европски парламент да се обединат, бидејќи евроскептичните и радикалните партии забележаа големи победи на изборите за нови европарламентарци. „За Европа е неопходно обединување на Европејците за да се направи глобален поредок во кој можеме да ги браниме нашите вредности и интереси“, рече Баросо. Граѓаните на ЕУ излегоа на изборите во поголем број отколку што се претпоставуваше - односно 43,1% или само малку повеќе од 2009 година кога излегоа 43% од гласачите. Излезноста сепак драстично варираше од земја до земја - од 19% во Словачка до дури 60% во Белгија. Прелиминарните резултати покажаа дека групацијата на десниот центар добила најмногу гласови - освојувајќи 261 од вкупно 751 места во Европскиот парламент, а следуваат социјалистите, либералите и зелените. Сепак, екстремната десницата постигна значителни резултати, победувајќи во Франција, и осовојувајќи значителен број гласови во Грција и други земји-членки. Дури и во Германија фашистите успеале да освојат 0,8% од гласовите и место во Европарламентот.