Пад на економијата на гигантите Франција, Германија, Италија, САД се уште се држи!

Добивај вести на Viber

Бруто домашниот производ во еврозоната (EА17) падна за 0.6% , односно за 0.5% во Европската Унија(ЕУ27 ) во текот на четвртиот квартал од 2012 година, во споредба со претходниот квартал, покажуваат последните податоци објавени од Евростат, Заводот за статистика на Европската унија. Во третиот квартал на 2012 година, стапките на раст беа -0,1% во еврозоната и 0,1% во ЕУ. Во споредба со истиот квартал од претходната година,  БДП бележи пад за 0,9% во еврозоната и 0.6% во ЕУ27 во четвртиот квартал на 2012 година. По земји, со пад се соочуваат гигантите Германија – 0, 6 %, Шпанија – 0,7 %, Франција – 0,3 %, Италија – 0,9 %, Португалија – 1,8%, Велика Британија – 0,3%. Од помалите економии Бугарија има раст од 0, 1 %, Чешка пад од 0, 2, Романија пад од 0,2 %. Во текот на четвртиот квартал од 2012, состојбата на БДП во САД е стабилна во споредба со претходниот квартал (по растот од 0,8% во третиот квартал на 2012 година). Во споредба со истиот квартал од претходната година, БДП се зголеми за 1,5% во САД (по 2,6% во претходниот квартал). Во текот на целата 2012 година, БДП падна за 0.5% во еврозоната и 0,3% во Европската Унија. Еве како графички изгледа состојбата со Бруто домашниот производ во последниот квартал на 2012 година.

                                                Стапка на раст на БДП во ЕУ27, еврозоната и САД 

                                                % на промена во текот на претходниот квартал

Извор: Евростат