ФАЈЗЕР ПАК ЌЕ ВИ ГИ ЗЕМЕ ПАРИТЕ, ОВОЈ ПАТ ПРЕКУ ВИАГРА: Шансите да станете импотентни по прележување на вирусот се шест пати поголеми, предупредува д-р Беќаровски

Добивај вести на Viber

Професорот Нико Беќаровски, повикувајќи се на истражување објавено во National Geographic, посочува дека прележувањето на Ковид-19 има големо влијание на машкото сексуално здравје.

Во неговата објава на Фејсбук предупредува дека Фајзер секако ќе има добивка, или од вакцината или од таблетите Виагра кои ја зголемуваат сексуалната потенција.

-Почитувани мои БАЛКАНЦИ,

Ако продолжите со надалеку познатиот инает и не се вакцинирате, Pfizer пак ќе Ви ги земе парите, овој пат преку Viagra.

Шансите да станете импотентни по прележување на Covid-19, Ви се ШЕСТ пати поголеми !!!!

П.С. вирусот го напаѓа и срцевиот мускул и шансите по конзумирање на вијагра да завршите во болнички кревет, Ви се далеку поголеми отколку во посакуваниот.

Во истражувањето, како што наведува National Geographic, меѓу списокот на заболувања, сè повеќе докази сугерираат дека КОВИД-19 може да го саботира сексуалното здравје на мажите. „Откривме дека мажите кои претходно ги немале овие проблеми развиле прилично тешка еректилна дисфункција по инфекцијата со КОВИД-19“, вели светски познбатиот уролог Ранџит Рамасами, кои со своите колеги од Универзитетот Флорида, во Клиниката во Мајами го спровеле истражувањето.

Мажите може да имаат шест пати поголема веројатност да развијат кратка или долготрајна еректилна дисфункција по заразувањето со вирусот, според истражувањето објавено во март. Други студии документираа низа здравствени проблеми по инфекцијата кои влијаат на сексот: неможност да се има или да се одржи ерекција, оштетување на тестисите, болка или оток на тестисите, неможност да се постигне оргазам, ниско ниво на тестостерон и проблеми со менталното здравје.