ФАКТОР НА ДЕНОТ: Бугарија ќе испорача струја за Македонија, а Мицкоски го објави референдумското прашање
Објавено во: Македонија 05 Септември, 2022
БУГАРИЈА ЌЕ ПОМОГНЕ ЗА ЕНЕРГЕТСКАТА КРИЗА
Премиерот Димитар Ковачевски денеска во Софија оствари средба со привремениот претседател на бугарската влада Галаб Донев по што беше потврдено дека од Бугарија во текот на зимата ќе купуваме поевтина струја за стопанството.
Бугарија е земја-извозник на електрична енергија, а увозот ќе започне во последниот квартал од годината и ќе трае до 31 март.
Ковачевски и Донев рекоа дека од среда ќе се формира работна група која за две недели треба да ја утврди цената, количеството и другите технички аспекти.МИЦКОСКИ ГО ОБЈАВИ РЕФЕРЕНДУМСКОТО ПРАШАЊЕ
Извршниот комитет на ВМРО-ДПМНЕ вечерва го усвои референдумското прашање кое ќе гласи:
„Дали сте за напуштање на важноста на Законот за ратификација за Договорот за пријателство, добрососедство и соработка меѓу Македонија и Бугарија објавен во Службен весник од 18.01.2017?“
На прес конференција лидерот Христијан Мицкоски рече дека ВМРО-ДПМНЕ поддржува интеграција во ЕУ, но не поддржува асимилација и идентитетско обезличување.КОВАЧЕВСКИ ОЧЕКУВА ЗАВРШУВАЊЕ НА ПРЕГОВОРИТЕ СО ЕУ ДО 2030 ГОДИНА
Владата донесе одлука за воспоставување структура за преговори за пристапување на Република Северна Македонија во ЕУ, информира премиерот Димитар Ковачевски.
Вицепремиерот Бојан Маричиќ ќе биде главниот преговарач, а во тимот ќе учествуваат и домашни експерти, државни службеници и стручни лица надвор од институциите, како странски експерти.
Ковачевски верува дека институциите имаат капацитет за преговори со ЕУ и очекува квалитетна и ефикасна структура што ќе се носи со предизвиците. Најави дека целиот процес ќе биде инклузивен и транспарентен процес. Тој упати апел за општествен консензус за постигнување на напредок кон ЕУ, како и повик до опозицијата да учествува, да го поддржи и помогне процесот.ПОЧНА СУДЕЊЕТО ЗА УБИСТВОТО НА ДЕНИС ТОТ
На денешното, прво рочиште од процесот, обвинителката Тања Трајчевска го даде воведниот говор на Обвинителството во кој го образложи обвинителниот акт со кој го опиша настанот во кој хрватскиот ракометар, Денис Тот, беше претепан до смрт пред ноќен клуб во градскиот парк во Скопје.
– Од сите тие удари оштетениот се здобил со повеќе повреди, како и тешки телесни повреди и како резултат на сите тие повреди кај оштетениот настанала коматозна состојба. Истиот веднаш бил пренесен во Ургентниот центар во Клиничкиот центар Мајка Тереза, рече таа.Дополни дека како резултат на повредите и настанатата траума на главата дошло до пореметување и прекин на мозочните неурони кое резултирало со смртен исход на 8 април 2022 година во 11:40 часот.ЧИТАЈТЕ УШТЕ