ФАКТОР НА ДЕНОТ: Бугарски политичари ја обвинија Чернева дека шпионирала за Македонија, Османи вели со неа имале тешки преговори

Добивај вести на Viber

БУГАРСКИ ПОЛИТИЧАРИ ТВРДАТ ДЕКА ЧЕРНЕВА ШПИОНИРАЛА ВО КОРИСТ НА МАКЕДОНИЈА

Советничката на екс бугарскиот премиер Кирил Петков, Весела Чернева е под истрага за оддавање на тајни информации на власта во Скопје. 

Тогашната министерка за надворешни работи Теодора Генчовска дури и ја обвини Чернева дека спроведува паралелна надворешна политика и дека самата лобира во преговорите со Македонија.

Од партијата „Преродба“ поставија повеќе прашања на оваа тема до шефот на бугарската Државна агенција за национална безбедност, Пламен Тончев, на денешната седница на Народното собрание. 

ОСМАНИ ВЕЛИ СО ЧЕРНЕВА ИМАЛЕ НАЈТЕШКИ РАЗГОВОРИ

Mинистерот за надворешни работи, Бујар Османи изјави дека во разговорите со Весела Чернева, која беше советничка на екс бугарскиот премиер Кирил петков е направен најмал исчекор во македонско - бугарските односи.

СИНОТ НА ТАЛАТ ЏАФЕРИ ДАДЕ ЗАКЛЕТВА

Барлет Џафери, синот на собранискиот претседател Талат Џафери, денеска даде свечена заклетва откако беше избран за нов обвинител во Гостивар откако претходно ја доби дипломата од Академијата за обвинители и судии. На чинот присуствуваше и Албулена Абази, новата обвинителка во Кичево и сопруга на Ислам Абази, новиот шеф на Обвинителството за организиран криминал и корупција.

„Изјавувам и се колнам дека во вршење на функцијата јавен обвинител ќе го почитувам Уставот на Република Северна Македонија, законите и меѓународните договори ратификувана согласно Уставот, дека функцијата ќе ја вршам совесно, непристрасно и одговорно и дека ќе ги заштитувам слободите и правата на човекот и граѓанинот и интересите на другите правни субјекти“ звучеше заклетвата која што утрово, облечени во тога, во Советот на јавни обвинители дадоа 10 нови обвинители од последната генерација што ја заврши Академијата за судии и јавни обвинители.

ФЕТА АЛИМИ ИЗЛЕЗЕ ОД ЗАТВОР

Денеска завршува затворската казна за поранешниот обезбедувач на Собранието, Абдилфета Алими, лицето кое на 27 април 2017 година го спаси претседателот на Алијанса за Албанците, Зиадин Села, од насилните демонстранти, но и ги предаде клучевите за да се отворат портите од Собранието.

AРСОВСКА ГИ ИСКАРА ВМРО-ДПМНЕ И СДСМ

Коалицијата ДПМНЕ - СДСМ работи против интересите на граѓаните во Советот на Град Скопје. Претседателот на Советот од редовите на ВМРО-ДПМНЕ денес одби по четврт пат да ја стави на дневен ред во Советот за гласање предлог точката за набавка на нови еко-автобуси за потребите на граѓаните, истакна градоначалничката на Град Скопје, Данела Арсовска.

На денешната седница на советот,таа истакна дека "само поради антинародната коалиција ДПМНЕ - СДСМ во Советот на Градот Скопје, скопјани нема да добијат 50 нови, модерни и еколошки автобуси."

ПРВИ САНКЦИИ ЗА ПРИШТИНА

По неколку тензични денови, САД имаат две барања за Косово. 

Американскиот амбасадор во Приштина Џефри Ховениер изјави дека САД имаат две барања од Владата на Косово, а тоа е да не инсистира градоначалниците да работат од општинските згради и полицајците да се повлечат од трите општински згради на северот.

ЧИТАЈТЕ УШТЕ

Штерјо Наков и неговиот син Драган Наков, кој во моментов е и директор на шпедитерската компанија „Фершпед“, ќе бидат нови членови на Одборот на директори на „Лотарија на Македонија“.

Вчера преку берзанска блок трансакција беа продадени 15,9 проценти од акциите на „Жито полог“ од Тетово.

Македонија била и останува да биде земја со значаен број градежни компании кои придонесуваат пристојно во националната економија. 

Македонија губи грубо околу 60 проценти од водата. Нивото на загуби на вода се движи од 55 до 67 проценти, а дополнително се уште има региони каде не е обезбеден пристап до безбедна вода за пиење.