ФАКТОР НА ДЕНОТ: Делта сојот e присутен во Македонија, заразените не биле вакцинирани

ДЕНЕС ИМА 16 ЗАРАЗЕНИ СО КОРОНАВИРУС ВО МАКЕДОНИЈА

Министерството за здравство информира, согласно податоците од Институтот за јавно здравје:

Во последните 24 часа се направени 2.873 тестирање, а регистрирани се 16 нови случаи на КОВИД-19:

Тетово – 4, Скопје и Струмица – по 3, Куманово – 2, Прилеп, Гостивар,Охрид и Струга – по 1.

Регистрирани се 4 оздравени пациенти од: Скопје – 2, Куманово и Кратово – по 1.

ДУИ БАРА ДА СЕ УСОГЛАСИ ТЕКСТОТ НА РЕЗОЛУЦИЈАТА

Партиите на Албанците имаат забелешки за Резолуцијата на ВМРО-ДПМНЕ за преговорите со Бугарија. 

Од ДУИ велат дека оваа Резолуција треба детално да се разгледа и секоја тенденција за дефокусирање од процесот на интеграција, нема да ја има нивната поддршка.

„Сметаме дека е потребно да се усогласи текстот на Резолуцијата со сите парламентарни политички партии и да се осигура дека таа нема да му наштети на нашиот пат кон ЕУ“, рече Арбер Адеми, пратеник на ДУИ.

ЗАМРЗНАТА Е СМЕТКАТА НА РАШКОВСКИ И ИМОТОТ НА НЕГОВИТЕ ДЕЦА

Судот ја замрзна сметката на екс генералниот секретар на Владата Драги Рашковски. 

Од ОЈО за организиран криминал кажуваат дека Кривичен суд постапил по нивното барање, но не даваат иницијали и не кажуваат за кој предмет станува збор, туку само информирфаат дека е замрзнат имотот на лице кое се сомничи за злоупотреби при јавни набавки. 

ЧИТАЈТЕ УШТЕ

Поради пандемијата на коронавирусот, се зголеми бројот на граѓани кои сакаат да избегаат од урбаниот хаос, и да престојуваат во природа на чист воздух. Од агенциите за недвижен имот велат дека пораснал интерeсот за купување на викендички.

Корона вирусот во овие летни месеци дефинитивно ја нема силата како во претходните два брана, болниците се речиси целосно испразнети, а бројот на новозаразени лица е во постојан пад. Во 18 градови веќе нема активни случаи, додека на териотријата не цела Македонија остануваат уште околу 150 лица заразени со вирусот, од кои нешто повеќе од 60 се во Скопје.

Над 8,2 милиони евра чини договорот кој Јавното претпријатие за државни патишта го склучило со Градежен институт Македонија за надзор за докомплетирањето на градежните работи на автопатот од Кичево до Охрид на Коридорот 8.

Повисока дневница за 100 отсто во моловите, но и за 50 отсто во дејностите каде не смее да се прекинува работата, плус еден слободен ден во текот на работната седмица. Оние што ќе работат во недела, ќе добиваат повеќе пари.

Голем успех е да изнајдеш начин, да извадиш кец од ракав и на големиот да му го земеш муштеријата од пред нос. Да го победиш на цена, да понудиш повеќе од него... Локалните трговци од десетина градови наоѓаат начин да конкурираат на големите ланци супермаркети. Им откинаа 200 милиони евра во ковид-годината! Тоа е голем успех!