ФАКТОР НА ДЕНOT: Денес 120 нови заразени, стартува полицискиот час
Објавено во: Македонија, Корона Вирус 04 Јуни, 2020
ВО МАКЕДОНИЈА ИМА 120 НОВИ ЗАРАЗЕНИ СО КОРОНАВИРУСОТ
И вчера сме имале 120 новозаболени од коронавирусот, се гледа од податоците на Институтот за јавно здравје, кои се објавени денеска.
Како што е познато, официјалната бројка која ја соопштија вчера здравствените власти, беше дека бројот на заболените во текот на вчерашниот ден бил 101 новозаболен.
Дали овие нови 19 заболени се добиени потоа и се ставени во официјалниот извештај на Институтот за јавно здравје, или, пак, тие се префрлени за денешниот ден, не е познато.
Инаку, МЗ соопшти дека денеска имаме 120 новозаболени од коронавирусот во земјава, што е всушност рекорден број на новозаболени откако изби епидемијата во земјава.
Во последните 24 часа се направени 953 тестирања, а регистрирани се 120 нови случаи на ковид-19, објави министерот за здравство Венко Филипче.
Од новозаболените дури 67 се од Скопје, од Куманово се 19, а во Штип има 16 новозаболени. во Прилеп 4, а во Тетово - 9. Регистрирани се и двајца починати.Куманово денеска и наредниот период ќе остане без контролата од Државниот пазарен инспекторат.
Ова денеска го потврди Стојко Пауновски, директорот на ДПИ, откако инспекциски надзорник пријавил дека е позитивен на Ковид-19.ОД ВЕЧЕРВА СЕ ВРАЌА ПОЛИЦИСКИОТ ЧАС
Вечерва во 21 часот почнува 80 часовниот карантин за Скопје, Куманово, Тетово и Штип.
Враќањето на рестрикциите следуваат по зголемувањето на новодијагностицираните пациенти со коронавирусот.
Владата вчера донесе одлука за полициски час, целосна забрана за Скопје, Куманово, Липково, Штип, Тетово, Брвеница, Теарце, Желино и Јегуновце, од четврток од 21 часот до понеделник до 5 часот наутро.
Во сите останати градови, се забранува движење на сите граѓани од четврток (4 јуни) од 21:00 часот до петок (5 јуни) до 05:00 часот наутро.
Петок, сабота и недела во другите градови има забрана за движење од 16 часот до 5 часот следниот ден.Денеска низ скопските маркети и продавници тешко може да се најде леб, а може да се каже дека речиси станува збор за невозможна мисија.
ОТФРЛЕНА КРИВИЧНАТА ПРОТИВ МАКСИМ ДИМИТРИЕВСКИ
Кумановскиот градоначалник максим Димитриевски не е виновен, Обвинителството ја отфрли кривичната пријава против него.
Оттаму велат дека по сеопфатно проучување на наводите во кривичната пријава поднесена од СВР-Куманово против градоначалникот на Куманово и раководителот на Центарот за управување со кризи од Куманово, а за сторено кривично дело - Непостапување според здравствените прописи од член 206 став 1 од Кривичниот законик, Основното јавно обвинителство Куманово донело Решение за отфрлање на кривичната пријава поради тоа што не се утврдени елементи на сторени кривични дела кои се гонат по службена должност.
Кривичната пријава во обвинителството беше поднесена на 24 април 2020 година против две лица, со наводи дека лицата за време на епидемија на опасната заразна болест постапиле спротивно на здравствените прописи, на начин што откако претходно биле тестирани и им било дијагностицирано присуство на вирусот COVID-19, по што добиле и Решенија за задолжително домашно лекување и изолација, се упатиле на тестирање во Скопје во три приватни лабаратории – иако не смееле да го напуштаат просторот каде биле сместени.Градоначалникот на Куманово ја добил официјално веста дека против него е отфрлена кривичната пријава.
„Сега добив информација од сајтот на Јавното обвинителство дека кривичната пријава против мене и членот на ОШЗС г-дин Стојановски е ОТФРЛЕНА. Верував и сеуште верувам во институциите и непристрасните професионалци во системот. Убеден сум дека вистината за овој монтиран случај излезе на виделина“, пишува на фејсбук Димитриевски.
Тој вели дека ќе ги преземе сите активности предвидени со закон да се лоцираат одговорните лица во постапката, кои, како што нагласува, од нив познати мотиви ги злоупотребиле сопствените службени овластувања и креирале случај за наводно сторено кривично дело, кое имало за цел јавно да го девалвира и дискредитира и да ја искриви вистината.ЧИТАЈТЕ УШТЕ
Кризата во економијата има последици и врз осигурувањето, но осигурителниот сектор во земјава останува стабилен.
Само за три месеци поради корона кризата во земјава останале без работа над 15 илјади граѓани од земјава.Ова го покажуваат најновите податоци што ги објави Агенцијата за вработување.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ФАКТОР НА ДЕНОТ: СДСМ избра нов Централен одбор, Филипче вети дека ќе ја врати партијата на победничките патеки
СОСТОЈБА ВЕЧЕРВА: Сараево е 4-ти најзагаден град во светот, а Скопје е 12-ти
ВИНСКИ САЕМ: Вучиќ се пофали дека убави жени има во Врање, Мицкоски вели има и во Македонија
ФИЛИПЧЕ: Избравме луѓе коишто се почитувани во општинските организации
ЗАВРШИ КОНГРЕСОТ НА СДСМ: Oва се новите членови на Централниот одбор
СДСМ ИМА НОВ ЗАМЕНИК ПРЕТСЕДАТЕЛ: На оваа партиска функција доаѓа Фани Каранфилова Пановска
НОВИ 100 ДО 120 ЕЛЕКТРИЧНИ АВТОБУСИ: Мицкоски кажа кога можеме да ги очекуваме на улиците
ГРАД СКОПЈЕ: Меџити нема никаков придонес за градот да добие 6 автобуси
