ФАКТОР НА ДЕНОТ: Дојави за бомби имаше во Кавадарци, откриен е и малолетник кој испраќал заканувачки пораки
Објавено во: Македонија 05 Декември, 2022
ДОЈАВИ ЗА БОМБИ ИМАШЕ И ВО КАВАДАРЦИ
Денес по пријава за поставена бомба во неколку основни и средни училишта во Кавадарци, евакуирани се учениците и тоа од: О.О.У ,,Тоде Хаџи Тефов’’ Кавадарци, и подрачно училиште во село Бегниште, ,,Димката Ангелов Габерот’’ Кавадарци и подрачното училиште во село Сопот, ,,Страшо Пинџур’’ Кавадарци, и подрачните училишта во селата Марена, Возарци и Дреново, С.О.У Гимназија ,,Добри Даскалов’’ Кавадарци и С.О.У ,,Ќиро Спанџов Брко’’.
МАЛОЛЕТНИК СЕ ЗАКАНУВАЛ СО ДОЈАВИ ЗА БОМБИ
Денеска Секторот за борба против тероризам, насилен екстремизам и радикализам при Одделот за сузбивање на организиран и сериозен криминал до Основно јавно обвинителство за гонење на организиран криминал и корупција поднесе кривична пријава против малолетник од Скопје, за сторено кривично дело „тероризам” предвидено и казниво по член 394-б став 2 од Кривичниот законик.
„Имено, пријавениот малолетник инспириран од претходни објави за поставени бомби во неколку средни училиштата на територијата на град Скопје, во перод од 26.10.2022 до 02.11.2022 година, на социјалните мрежи забележал дека пораките биле испратени преку конкретен провајдер, кој нуди криптирање и заштита на комуникацијата, при што на 04.11.2022, од неговиот персонален компјутер, пристапувајќи на интернет мрежата на еден телекомуникациски оператор, креирал електронска адреса на конкретниот провајдер, преку која напишал заканувачка порака за поставени експлозиви во четири средни училишта“, се вели во соопштението од МВР.ДАМЕВА ВЕЛИ НЕМА ДА ИМА МЕСТО ЗА НИТУ ЕДЕН КОРУМПИРАН СУДИЈА
Новоизбраната претседателка на Судскиот совет на Република Северна Македонија, Весна Дамева порача дека злото наречено корупција мора да се сузбие и дека нема место и втора шанса за корумпиран судија.
Дамева, нагласи дека како претседател на Судскиот совет ќе работи и ќе се труди за исполнување на препораките од Извештајот на Европската Комисија.БЛОКАДИ ВО СКОПЈЕ
МНР СЕ АНГАЖИРА ЗА ПОСМРТНИТЕ ОСТАНКИ НА МАЈА
Македонското Министерство за надворешни работи попладнево информираше дека веднаш по по добиените информации за почината Маја Јанеска во Јужноафриканската Република, преку надлежната Амбасадата во Каиро, стапило во контакт со надлежните органи на земјата, од каде добиле потврда за трагичниот настан.
-Нашите претставници се во постојана и непосредна комуникација со надлежните јужноафрикански власти како и со роднините на починатата, како во делот на утврдување на деталите така и околу организирањето транспорт на посмртните останки на починатата во земјава, информираат денеска од МНР.ЧИТАЈТЕ УШТЕ