ФАКТОР НА ДЕНОТ: ДУИ најави изненадување, Заев вели дека тоа ќе биде добра работа за државата

Добивај вести на Viber

ДУИ НАЈАВИ ИЗНЕНАДУВАЊЕ

Владеачката партија ДУИ вчера во Липково ја започна постапката за избор на кандидати за градоначалници, но и за советници на годинешниве локални избори, а лидерот Али Ахмети најави име кое ќе биде „големо изненадување“ на 5 јуни.

Шпекулациите одат до таму дека в сабота кога ќе се прославува роденденот на ДУИ за градоначалник на Скопје заедно со СДСМ ќе биде номиниран  кандидат Албанец.

„На 5 јуни, повторно, нашето семејство ќе излезе со платформа која првично ќе биде дискутабилна и со големи дебати како што се дебатираше за „првиот албански премиер“, најави вчера Ахмети во Липково. 

Во прилог на ова одат и поставените билборди изминатиот период со зелена боја на кои пишува „Нешто големо доаѓа“. Оваа идеја и кампања се слични во мотивите со онаа пред ланските парламентарни избори во јули, кога ДУИ бараше прв премиер Албанец.

ЗАЕВ ВЕЛИ ДЕКА ТОА ЌЕ БИДЕ ДОБРА РАБОТА ЗА ДРЖАВАТА

Премиерот Зоран Заев на денешниот настан на Клиниката за торакална хирургија, паршан дали ќе поддржат градоначалник на Скопје од редовите на ДУИ, истакна дека тоа ќе го соопшти коалициониот партнер во сабота. Единствено што откри е тоа дека станува за нешто што ќе биде добро за државата.

-Јас ќе ви кажам тоа што го знам, а секако сум информиран од мојот прв потпретседател во Владата. ДУИ има убава работа да соопшти во сабота. Убава е затоа што е во целосна корелација на работењето на Владата, убава е затоа што е модерна, соодветна на 21 век, мене ме бендисува  што вака се размислува во највисоките органи и тела на ДУИ. Ќе оставам тоа да  го соопшти ДУИ тоа е нивна агенда, споделена со нас нормално. Верувам сето тоа е во духот на унапредувањето на севкупниот политички амбиент во државата.

ДЕНЕС ИМА 19 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје дека во последните 24 часа се направени 2.456 тестирања, а регистрирани се 19 нови случаи на КОВИД-1 од: Скопје – 5, Куманово – 3, Гостивар, Кочани и Демир Хисар – по 2, Прилеп, Тетово, Кичево, Гевгелија и Неготино – по 1.

Регистрирани се 26 оздравени пациент од:

Скопје – 8, Куманово – 4, Радовиш и Кратово – по 3, Штип – 2, Гостивар, Кочани, Прилеп, Свети Николе, Пробиштип и Македонска Каменица – по 1.

Пријавени се вкупно 6 починати лица: 2 лица од Скопје (69г и 83г) и по едно лице од Радовиш (52г), Тетово (77г), Кичево (74г) и Струмица (80г).

Од пријавените, 2 лица се починати во домашни, а останатите 4 во болнички услови.

МОЖНО Е НОВО ОЛАБАВУВАЊЕ НА МЕРКИТЕ

Министерот за здравство, Венко Филипче во однос на олабавување на рестриктивните анти-ковид мерки денеска истакна дека следниот состанок на Комисијата за заразни болести ќе биде пред 15.јуни и тогаш, како што рече е можно да препорачаат укинување на некои мерки.

– Комисијата за заразни болести ќе има состанок пред 15. јуни до кога важат актуелните мерки. Доколку епидемиолошката слика е ваква како што е сега, ако продолжиме со ваков тренд, еве денеска имаме навистина убава вест, по долго време немаме прием на пациент во инфективните оделенија, можно е да дојде до промена на рестриктивните мерки, тука пред се мислам на полицискиот час и за некои организирања на настани, нагласи министерот Филипче.

ЧИТАЈТЕ УШТЕ

Дојран е град без заразени со коронавирусот, а од локалната самоуправа очекуваат дека оваа година ќе имаат повеќе странски и домашни гости, и дека ќе се вратат на нивото кое го имаа пред пандемијата.

Епидемиолошката состојба во Македонија полека се стабилизира. Дел од рестриктивните мерки се укинати, но здравствените власти постојано апелираат да останеме внимателни, претпазливи, бидејќи, како што велат во изминативе 15 месеци насекаде во светот се лекуваше само една патологија, корона вирусот, за кој науката вели дека е целосно непредвидлив. 

По година и половина, свадби конечно ќе има. Но, онака како што сега стојат работите, оро на нив за почеток тешко дека ќе се игра. Или барем тоа нема да биде „легално“.

Пандемиската криза која силно влиајеше на економијата предизвика турбуленции, страдаше реалниот сектор, а македонската економија се уште го плаќа цехот. Додека меѓународните институции очекуваат дополнителен финасиски стимул за граѓаните, особено за фирмите во следниот период, Владата е во предизвик да ги изменаџира трошењата, во услови кога се зголемува јавниот долг.