ФАКТОР НА ДЕНОТ: Имаме 4 нови заразени, но откриен е и втор заразен со индискиот сој

Добивај вести на Viber

ДЕНЕС ИМА 4 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 3.074 тестирања, а регистрирани се 4 нови случаи на КОВИД-19 од:

Скопје, Прилеп, Тетово и Кочани – по 1.

Регистрирани се 68 оздравени пациенти од:

Скопје – 32, Куманово и Кичево – по 6, Тетово, Охрид и Струмица – по 4, Струга и Делчево – по 3, Кочани и Неготино – по 2, Прилеп и Македонска Каменица – по 1.

ОТКРИЕН Е ВТОР СЛУЧАЈ НА ИНДИСКИ СОЈ ВО ЗЕМЈАВА

Регистриран  е втор случај на индискиот сој на коронавирусот во земјава. 

Се работи за уште еден наш граѓанин кој дојде од Ирак, а се лекувал во една од приватните болници. Ова денеска го потврди министерот за здравство Венко Филипче по посетата на реновираниот Здравствен дом во Битола.

ПРОВОКАЦИИ ОД БУГАРИЈА

Се појави нов спот во кој се вели дека Македонија е бугарска. 

Бугарскиот европратеник и заменик претседател на партијата ВМРО БНД, Ангел Џамбаски, на Фејсбук го сподели официјалниот спот на партијата кој е дел од кампањата за претстојните парламентарни избори во Бугарија. 

„Македонија е бугарска. Факт на кој не му треба доказ. Факт што Зоран Заев го заборава кога е во Скопје. И тој се сеќава само кога ќе побара нешто. Бугарија отсекогаш ја сакала Македонија. Но, Бугарија не треба да биде уценувана! Пријателството се гради со доверба и доследност. Вистината не може да се заобиколи, а историјата треба да ја отфрли судбината на секој предавник!“, напиша Џамбаски на официјалниот Фејсбук профил.

И Охрид да ни го дадеше, Заев немаше да добие согласност за преговори, пишува бугарскиот портал 24 часа. 

Како коленичење, ја оцени во видео колумна бугарскиот медиум 24 часа посетата на премиерот Зоран Заев на Софија и обидот да се најде решение за блокадата на Македонија. Се вели дека Македонците се Бугари. 

ИНДИСКИОТ СОЈ Е МНОГУ ОПАСЕН

Ситуацијата за кратко време може да се претвори во кошмар поради индискиот сој. 

За вакво сценарио предупредува професорот по теоретска механика, Дејан Трајковски, кој на дневна основа статистички ги следи сите официјални информации поврзани со коронавирусот. 

Тој објави анализа на Фејсбук  во која пишува за индискиот сој на коронавирусот и предупредува дека „летото е време на интензивни патувања и лежерно однесување, поради што ќе треба да се вложи дополнителен напор и внимание за да го избегнеме внесувањето на овој опасен и брзоширечки сој во земјата“.