ФАКТОР НА ДЕНОТ: Индискиот сој е откриен во Македонија, денес има само еден нов заразен

Добивај вести на Viber

ИНДИСКИОТ СОЈ Е ДЕТЕКТИРАН ВО МАКЕДОНИЈА

Минатата недела кај еден пациент кој е хоспитализиран во приватна болница, е детектирано присуство на „индиски“ сој на вирусот СарсКов2. Според епидемиолошката анкета која ја направила болницата, пацинетот се вратил од Ирак, каде претходно 10 дена бил болен и хоспиталзиран, кога се вратил во земјава, веднаш со посебно санитетско возило бил пренесен во болницата. Состојбата на пациентот е стабилна и овој пациент не е знак за ризик, информира Министерството за здравство.

Истовремено посочуваат дека епидемиолошката состојба во државата е стабилна, бројот на активни случаи се намалува, а драстично е намален и бројот на хоспитализирани пациенти во ковид центрите на териториј на цела држава.

ДЕНЕС ИМА 1 ЗАРАЗЕН СО КОРОНАВИРУСОТ

Во последните 24 часа се направени 1.375 тестирања, а регистриран е 1 нов случај на КОВИД-1 од Куманово.

Регистрирани се 204 оздравени пациент од:

Скопје – 77, Куманово - 25, Охрид – 19, Битола – 11, Струмица – 9, Тетово и Кичево – по 7, Прилеп – 6, Гостивар, Штип и Струга – по 5, Велес и Радовиш – по 4, Кочани и Кратово – по 3, Кавадарци, Свети Николе, Ресен, Крива Паланка, Виница и Демир Хисар – по 2, Гевгелија и Македонска Каменица  - по 1.

Пријавени се вкупно 3 починати лица: по едно лице од Куманово (55г), Тетово (61г), и Гевгелија (80г).

МИЈАЛКОВ ОСТАНУВА ВО ПРИТВОР

Eкс директорот на УБК, Сашо Мијалков останува во затворот во Шутка. 

Апелацискиот суд во Скопје ја одби гаранцијата на  Мијалков, и одлучи тој да остане во притвор во затворот „Скопје“ во Шуто Оризари.

Мијалков нудеше гаранција од 10,8 милиони евра, но Основниот кривичен суд ја одби и покрај тоа што имаше позитивно мислење од обвинителот Артан Ајро. За одлуката на Кривичен, екс директорот на УБК и неговите адвокати се жалеа до Апелација.

КРИЗНАТА СОСТОЈБА Е ПРОДОЛЖЕНА

Продолжува кризната состојба во земјава. Сега таа се продолжува за наредните шест месеци, почнувајќи од 1 јули 2021 до 31 декември 2021 година. 

Собраниската Комисија за одбрана и безбедност денеска ја одржа 17-та седница на која е донесена одлука за продолжување на кризната состојба. Комисијата ја проследи одлуката до Собранието, кое, како што е најавено, утре ќе одржи пленарна седница. Кризната состојба, со претходна одлука на Собранието, е до 30 јуни 2021 година. 

ЧИТАЈТЕ УШТЕ

Позеленувањето на ДУИ како надетничка партија со фокус на граѓански определби е јасен потег на Ахмети за обезбедување на долгогодишна иднина на интегративците. Целиот гнев насобран против ДУИ од 20 годишното владеење не може да биде простено, ниту пак да се овозможи амнестија за сите политички грешки и злоупотреби.

Илјадници македонски граѓани со години чекаат вработување. Состојбата заклучно со крајот на април оваа година, покажува дека 6.964 луѓе, 8 и повеќе години се без работа, од кои 2.555 се жени. 15.876 луѓе чекаат вработување од 5 до 7 години, а од нив 5.385 се жени. 

Во Македонија речиси секојдневно се изведуваат најкомплицираните кардиохируршки зафати кај децата и тоа на возраст од еден ден старост, на новороденчиња тешки само еден килограм. Тимот под водство на детскиот кардиохирург, Доц. д-р. Владимир Чадиковски во приватната болница Аџибадем Систина, во услови на целосна организираност, работи на исклучително тешки операции на срце кај најмладата популација, па во последниве години речиси и да нема заминувања во странство за вакви зафати.