ФАКТОР НА ДЕНОТ: Инфициран новинар, Заев и Мицкоски се негативни на Ковид 19

Добивај вести на Viber

ЛИДЕРИТЕ НА СДСМ И ВМРО-ДПМНЕ СЕ НЕГАТИВНИ НА КОВИД 19

Министерството за здравство информира дека тестот за коронавирус на претседателот на политичката партија СДСМ Зоран Заев е негативен.

Утрово, министерот Венко Филипче објави дека негативен е и лидерот на ВМРО-ДПМНЕ Христијан Мицкоски.

Министерот за здравство Венко Филипче попладнево на прес-конференција изјави дека тестот на претседателот на СДСМ, Зоран Заев е негативен, но тој ќе биде во изолација една недела. 

Министерот рече дека на Инфективна клиника по два негативни теста се испишани тројца пациенти, а примени се двајца нови. 

Во „8-ми Септември“ има 21 пациент, од кои 6 на респираторна машина. 

Во Битола има 4 во болница и тие се добри. 

„Се следат и пациентите на домашно лекување“, рече министерот. 

Во Штип во болница се примени уште 4 пациенти. 

ИМА НОВИ 48 ЗАБОЛЕНИ

Во земјава има нови 48 позитивни на Ковид-19 регистрирани во последните 24 часа. 

И овој пад Куманово има најголем број новозаразени. 

ЖЕНАТА ОД ВЕЛЕС ПОЧИНАЛА ОД КОРОНА?

Најден е вирусот во примерок од нивното дишно стебло, вели министерот за здравство, Венко Филипче за мајката и синот кои починаа во Велес. 

„Не е исклучена можностa вирусот да бил присутен во земјава порано“, рече тој. 

Тие неодамна беа откриени, откако соседите почувствувале миризба, и ги алармирале надлежните. 

ОБВИНИТЕЛИТЕ ОД СЈО ДОБИЈА ПРЕКРШОЧНИ ЗА БОНУСИТЕ

Државната комисија за спречување на корупцијата на денешната седница одлучила да поведе прекршочна постапка за поранешните обвинители од СЈО, Катица Јанева, Фатиме Фетаи, Елизабета Јосифоска, Лиле Стефанова, Бурим Рустеми, Гаврил Бубевски, Стевчо Донев, Трајче Пеливанов, Артан Ајро и Љубомир Лапе, бидејќи, како што велат од Комисијата, континуирано примале дополнителни приходи (надоместоци) и за истото по надминување на вредност од 20 просечни плати не пријавувале промена на имотната состојба со што постапиле спротивно Законот за спречување на корупцијата.

ВЛАДАТА ЈА ЗГОЛЕМУВА АКЦИЗАТА НА ГОРИВАТА

Владата ќе го прифати предлогот на Стопанската комора и ќе ја зголеми акцизата на нафтените деривати за два денари. Ова го навести министерката за финансии Нина Агеловска денеска. 

„Веќе подготвуваме предлог уредба. Соглсасно пресметките и фискалните импликации предлогот е да се зголеми акцизата за 2 денари. Работиме заедно со Царинската управа конкретно на предлогот и ќе излеземе со информација. Но сметам дека ќе го прифатиме предлогот на Стопанската комора – рече Ангеловска.

ЧИТАЈТЕ УШТЕ

Добиваат откази или сами си даваат откази. Повеќето чевларски работници од Куманово останаа без работа поради коронакризата.

Поддршка за зголемување на акцизите на нафтените деривати и од нафтените компании. 

Стопанската комора побара да се зголемат акцизите на бензините и и на дизелот за два денари, а акцизата за екстралесното гориво да се зголеми за 9 денари и да се изедначи со таа на дизелот, за да запрат злоупотребите со ова гориво.

Светска банка ќе одобри 140 милиони евра за Северна Македонија, а земјата е близу и до добивање на итен заем од 176 милиони евра од Меѓународниот Монетарен Фонд.

Кире Наумов, директорот на Развојната банка на Северна Македонија, очекува следната недела до засегнатите претпријатија-апликанти да се исплатат првите бескаматни кредити.