ФАКТОР НА ДЕНОТ: Македонија е подрачје со голем ризик за инфекција, денес има шест починати од коронавирусот

Добивај вести на Viber

МАКЕДОНИЈА Е ПОДРАЧЈЕ СО ВИСОК РИЗИК ОД ИНФЕКЦИЈА

Северна Македонија моментално е назначена како ризично подрачје со особено голем ризик на инфекција од Ковид-19.

Ова го соопшти Германската амбасада во земјава на својата официјална фејсбук страница.

Сите лица што престојувале во ризична област 10 дена пред влез, мора начелно да одат во карантин откако ќе влезат во Германија. Оваа обвска за карантин важи независно од државјанството, изземени се само патници кои транзитираат (со автомобил или авион).

ЗА 24 ЧАСА 6 ПОЧИНАТИ ОД КОРОНАВИРУСОТ

Министерството за здравство информира дека во последните 24 часа се направени 677 тестирања, а регистрирани се 63 нови случаи на ковид-19 во: Скопје-37, Куманово-4, Тетово-1, Гостивар-1, Штип-2, Битола-1, Велес-1, Охрид-2, Кавадарци-5, Струга-1, Свети Николе-1, Крива Паланка-1, Берово-2, Делчево-1, Пробиштип-1, Кратово-1, Пехчево-1.

Стапката на заразени од тестираните се спушти под 10 отсто и таа изнесува 9,3 отсто.

Денеска Институтот за јавно здравје регистрира 573 оздравени пациенти од: Скопје-350, Куманово-19, Тетово-10, Прилеп-36, Гостивар-9, Штип-8, Битола-7, Велес-17, Струмица-15, Кавадарци-28, Кочани-9, Кичево-1, Свети Николе-4, Гевгелија-6, Неготино-12, Дебар-8, Ресен-5, Крива Паланка-1, Радовиш-6, Пробиштип-3, Валандово-3, Демир Хисар-1, Македонски Брод-2, Богданци-2, Кратово-1, Крушево-9, Демир Капија-1.  

ПЕНДАРОВСКИ ГО ПОТПИША УКАЗОТ ЗА ЗАКОНОТ ЗА ПОПИС

Претседателот Стево Пендаровски, по извршените консултации со правни експерти, денеска го потпиша Указот за прогласување на Законот за попис на населението, домаќинствата и становите во Република Северна Македонија, 2021 година.

ЗИБЕРИ Е ИЗБРАН ЗА НАРОДЕН ПРАВОБРАНИТЕЛ

Насер Зибери е избран за народен правобранител. 

Пред да стане политичар, бил новинар, а повеќе од 10 години не беше активен во политиката, односно за цело тоа време работи како нотар. Во 90-тите како кадар на ПДП влегува во политиката и во периодот од 1996 до 1998 станува министер за труд и социјална политика во Владата на Бранко Црвенковски.

Претходно, а и по напуштањето на Владата, беше пратеник. 

НОВА ПРОВОКАЦИЈА ОД КАРАКАЧАНОВ

Бугарскиот вицепремиер, Красимир Каракачанов изјави дека треба да се запре со омраза затоа што како што вели сме биле еден народ. 

Тој вели дека е наивно да се очекува промена на позицијата на неговата земја по изборите на пролет или евентуален притисок од американската администрација на новиот претседател Џо Бајден.

ЧИТАЈТЕ УШТЕ

Добрите фриленсери, посебно програмерите месечно можат да заработат и по неколку илјади евра. Но, за да стигнат до оваа заработка потребно е да имаат искуство и добро да ја познаваат работата. Овој вид на ангажман, работа од дома за странски клиенти, носи пари, доколку фриленсерот се докаже во сферата во која работи.

Додека се прават некои новини во можностите за пензионирање, а и други се во најава, пензискиот фонд годината ја почнува со буџет во кој вкупните расходи се над 1,3 милијарди евра. Од сите овие пари за пензии треба да се потрошат милијарда и 20 милиони евра. 

Претприемачите и основачите на стартапи имаат се поголем избор на можности за финансирање, како дома така и од странски избори на инвеститори. Покрај ФИТР, комерцијалните банки, ангел инвеститорите кои допрва треба да добијат поконкретна структура како и странските фондови, на располагање им се и фондовите за ризичен капитал кои вложуваат во одреден стартап во замена за сопственички удел во компанијата.

Дали заврши времето на исплата за патни и дневни трошоци и до 2.000 евра месечно по пратеник, или тоа се должи на новонастанатите здравствени околности во земјата и светот во изминатата година, како и на новите правно-политички услови?