ФАКТОР НА ДЕНОТ: Македонија ги почнува преговорите со ЕУ, а од утре Куманово е во карантин

Добивај вести на Viber

МАКЕДОНИЈА ГИ ПОЧНУВА ПРЕГОВОРИТЕ СО ЕВРОПСКАТА УНИЈА

Министрите за Европа и надворешни работи ја потврдија нацрт-одлуката на ЕУ за почеток на преговорите за прием на Македонија и Албанија. Истото ќе следи и на Самитот на лидерите на земјите-ченки в четврток. 

Премиерот Оливер Спасовски денеска на прес-конференција изјави дека Македонија ги почнува преговорите со ЕУ. 

Вели дека има завидни резултати во повеќе области. 

Рече дека ова е успех кој го чекаме 15 години. 

„Денес можеме да бидеме горди зашто чекањето заврши“, рече Спасовски. 

Министерот за надворешни работи, Никола Димитров денеска на прес-конференција изјави дека сега од нас зависи и дека сме изоделе долг пат за да почнеме преговори со ЕУ. 

ОД УТРЕ КУМАНОВО ВО КАРАНТИН

Од утре во општина Куманово стапува во сила одлука за забрана за влез и излез со градски, меѓуградски патнички и железнички патнички јавен превоз, информираа од Владата. 

Оваа одлука влегува во сила од 25 март 2020 година.

„Владата на Република Северна Македонија на денешната 27 седница ја дополни Одлуката забрана и посебен режим на движење на територијата на Република Северна Македонија со забрана за влез и излез од и во подрачјето на територијата на општина Куманово со градски и меѓуградски патнички и железничкиот патнички јавен превоз. Ги зајакнуваме уште повеќе мерките за запирање на заканата од коронавирусот. Ова се мерки за заштита на сите граѓани, на сите нас. Да ги почитуваме за да успееме“, додаваат од Владата. 

Министерот за здравство, Венко Филипче попладнево на прес-конференција изјави дека  во Скопје има 7 и во Куманово 5 нови заразени со коронавирусот. 

„Во кумановската болница вчера интензивно се работеше, се правеа интервјуа. Се правеа првични, секундарни контакти. Има пет позитивни лица, од кои тројца се здравствени работници, двајца доктори и една медицинска сестра“, рече Филипче. 

Ниту еден од семејството на починатата нема клиничка симптоматологија. 

Ќе бидат тестирани сите кои беа поврзани со случајот од кожна клиника, а во Куманово е направена комуникација со лица во врска со починатата пациентка. 

Одделението за трансфузиологија во Охрид е затворено, затоа што персоналот бил во контакт со заразен. 

ПОЛИЦАЈЦИ СЕ ЗАКАНУВАЛЕ ПРЕД ПОЛИЦИСКИ ЧАС

Наќе Чулев, техничкиот министер за внатрешни работи, потврди дека лицата кои во униформи грубо на граѓаните им порачуваат преку социјалните мрежи „Седете дома колошари“ се полициски службеници и ќе бидат казнети, додека во другиот случај лице кое се заканува дека ќе тепа и ќе затвора за време на полициски час истиот се претставувал лажно и ќе биде санкциониран парично.

„Во однос на информациите и фотографиите објавени во дел од медиумите на кои се гледа лица облечени во полициска униформа и на истите се гледа навредливa содржина поврзана со одлуката на владата, а кои се во насока на спречување на ширење на вирусот COVID 19 ја информирам јавноста дека:

ЧИТАЈТЕ УШТЕ

Нема работа за занаетчиите откако Македонија е во вонредна состојба поради коронавирусот.

Целиот сектор е загрозен, и му се заканува крахирање ако власта не преземе мерки за да ги заштити занаетчиите. 

Интернет супермаркетите во Македонија се оптоварени со онлајн-нарачки со вонредната состојба што ја погоди и нашата земја и превентивните здравствени мерки кои имаат влијание како на начинот на купување, така и на самата хипер-побарувачка за одредени производи. 

Доколку нарачата сега достава до вашиот дом, производите најверојатно ќе ви пристигнат дури пред или на почетокот на април.

Банкарите чекаат на Уредба на Владата за да се види точно како ќе спроведе олеснувањето на плаќањето на ратите за кредитите за граѓаните и за фирмите. 

Она што е извесно дека најверојатно нема секој клиент да добие повластување од банката. 

Независната ревизија дала мислење со резерва за деловното работење на Граве осигурување неживот во финансиските извештаи за лани затоа што во 2018 година книжеле потценета бруто резерва за штети во износ од 350.000 евра што влијаело годината да ја завршат со добивка

Дури 500 милиони евра. Толку паднала вредноста на топ десетте македонски компании на Берзата за нецели три недели, откако и нашиот пазар на капитал со соочи со кризата и падот на цените на акциите предизвикани од коронавирусот.

Сепак и покрај се, ова е голем ден за нашата држава, вели за Фактор професорот Денко Малески, поранешен министер за надворешни работи, дипломат. Во услови на своевидна психолошка криза, пандемија, раст на бројот на заболени, вели Малески, моментотот на соопштената одлука е тежок. Долгорочно нема дилеми одлуката има исклучително значање за Македонија и е една од најважните одлуки во историјата на државата.