ФАКТОР НА ДЕНОТ: Maкедонија и Косово одржаа заедничка меѓувладина седница, а германските експерти заминаа во Тетово

Добивај вести на Viber

МАКЕДОНИЈА И КОСОВО ОДРЖАА ЗАЕДНИЧКА МЕЃУВЛАДИНА СЕДНИЦА

За екстрадиција на осудените во „Монструм“, Косово ќе бара меѓународна помош.

Премиерот на Косово, Албин Курти вели дека има предмети што не се разјаснети до крај. 

„Министрите за правда на двете влади се во директен редовен контакт и тие соработуваат во врска со македонското барање за испорака на Африм Исмаиловиќ и Алил Демири, кои се обвинети во случајот „Монструм“, изјави денеска косовскиот премиер Албин Курти во Скопје. 

На првата македонско-косовска меѓувладина седница се потпишани 11 договори, меморандуми и програми, кои опфаќаат и соработка во меѓугранични проекти преку ИПА програмата на ЕУ, соработка на полето на енергетиката, иновациите и технолошкиот развој, културата и туризмот. 

ГЕРМАНСКИТЕ ЕКСПЕРТИ ЗАМИНАА ВО ТЕТОВО

Германските експерти со својата опрема пристигнаа во опожарената модуларна болница за ковид-пациенти во Тетово, која на 8 септември пламна за неколку минути и како резултат на тоа 14 лица загинаа, а 12 пациенти беа повредени.

Германскиот тим се состои од четворица експерти, каде што како што објави Владата пред извесно време, двајца од нив се форензичари за истрага на пожар, а двајца се форензичари за ласерско мерење и фотографирање на просторот.

ДАНИЛОВСКИ ГИ ИСКОМЕНТИРА СОСТОЈБИТЕ ВО ЗДРАВСТВОТО

Универзитетскиот професор и еден од најпознатите епидемиолози во земјава, кој своевремено беше министер за здравство, д-р Драган Даниловски, денеска во гостување во емисијата Студио 10 на ТВ 24 нагласува дека присуството на цивили во болницата, односно блиски на пациентите е само резултат на отсуство на правилен и квалитетен менаџмент.

ЗАЕВ ДАДЕ ОДГОВОР ЗА РАШКОВСКИ

Поранешниот државен секретар Драги Рашковски, кому му е одреден куќен притвор за спорна набавка на софтвер, е фотографиран како се шета низ Аеродром, а  премиерот Зоран Заев денеска, одговарајќи на новинарско прашање, рече дека поранешниот владин функционер има дозвола да оди на лекар.

УШТЕ 28 ЛУЃЕ ПОЧИНАА ОД КОВИД

Министерството за здравство информира, согласно податоците од Институтот за јавно здравје:

Во последните 24 часа се направени 3.885 тестирање, а регистрирани се 557 нови случаи на КОВИД-19:

Скопје – 268, Куманово – 39, Велес – 29, Кавадарци, Кичево и Струмица – по 19, Тетово и Штип – по 17, Прилеп – 16, Радовиш – 15, Кочани – 12, Битола и Охрид – по 10, Кратово – 8, Свети Николе – 7, Гевгелија, Гостивар и Ресен – по 6, Валандово и Неготино – по 5, Делчево, Крива Паланка и Струга – по 4, Виница и Пробиштип – по 3, Македонски Брод – 2, Дебар Македонска Каменица, Пехчево и Берово  - по 1.

Регистрирани сe 572 оздравени пациенти од: Скопје – 281, Куманово – 39, Битола – 33, Тетово – 27, Струмица – 24, Кавадарци и Кичево – по 21, Гостивар – 20, Прилеп – 14, Радовиш – 12, Дебар – 11, Штип – 10, Ресен и Крива Паланка – по 9, Пробиштип – 7, Велес и Кочани – по 5, Неготино и Валандово – по 4, Гевгелија, Свети Николе, Делчево и Виница – по 3, Охрид, Богданци, Кратово и Македонска Каменица – по 1.

ЧИТАЈТЕ УШТЕ

Народна банка ќе потроши околу 2,2 милиони евра за печатење на нови банкноти во апоени од 100, 1.000 и 2.000 денари. Веќе е договорен првиот оператор - руското акционерско друштво „Гознак“, кое ќе треба да ги изработи 100-ките за 24,6 милиони денари, или 400.000 евра. За банкнотите од 1.000 и 2.000 денари треба да се извлече најповолната понуда на 20 септември, откако еднаш јавната набавка не успеа, а услугата ќе чини 107 милиони денари заедно.

И оваа година не оди добро со капиталните инвестиции. За седум месеци или повеќе од половина од 2021 година се реализирани само 31 отсто од инвестициите, или вкупно 150 милиони евра, наспроти 484 милиони евра колку што се предвидени да се остварат за цела оваа година.

Градската општа болница „8 Септември“ повторно е еден од најголемите ковид центри во Македонија. Според податоците кои за Фактор ги соопшти директорот, д-р Христијан Костов, таму се хоспитализирани 90 тешко болни пациенти. Смета дека дневно се уште има многи нови приеми. Само во последните 24 часа се примени 12 нови пациенти позитивни на вирусот.