ФАКТОР НА ДЕНОТ: Maкедонија ќе има 20 министерства, Сиљановска - Давкова нема право на вето на законот
Објавено во: Македонија 08 Јуни, 2024
СЕ ЗГОЛЕМУВА БРОЈОТ НА МИНИСТЕРСТВА, ПРЕТСЕДАТЕЛКАТА НЕМА ПРАВО НА ВЕТО
Македонија отсега ќе има 20 министерства, а засега е непознато колку пари ќе се одлеат од Буџетот за оваа намена.
Наместо 16 министерства, сега ќе имаме 20. Предлагач на ваквите измени е лидерот на ВМРО-ДПМНЕ, Христијан Мицкоски, а предлогот доцна синоќа го прифатија 88 пратеници.Од Кабинетот на претседателката на државата, Гордана Сиљановска - Давкова укажуваат дека Законот за организација и работа на органите на државната управа е системски закон.
Тој се носи со двотретинско мнозинство, па во согласност со член 75 од Уставот, претседателот нема право на вето на истиот, односно е должен да го потпише указот.Заменик министерката за правда, Викторија Аврамоска Мадиќ ја повика претседателката да не го потпишува Указот за синоќа усвоениот Закон за организацијата и работата на органите во државната управа.ОПОЗИЦИЈАТА КРИТИКУВА
Пратеникот на СДСМ, Фатмир Битиќи на синоќешната собраниска дебата кажа дека реорганизацијата на министерствата не носи бенефит за граѓаните.
Според него, ова ќе се покаже како неефикасно.Пратеничката Славјанка Петровска изјави дека за само 10 дена лидерот на ВМРО-ДПМНЕ, Христијан Мицкоски трипати го погази зборот.
Потсети дека на 26 февруари Мицкоски рече дека ДУИ не е повеќе фактор и треба да се игнорира.
МАТУРАНТИТЕ ПАК ПРЕПИШУВАЛЕ
Средношколци повторно споделувале тестови во вибер групи.
Директорката на Државниот испитен центар, Билјана Михајловска вели дека истото се повторило и сега со тестовите по математика и англиски јазик.
Начинот на препишување, според Михајловска, бил идентичен како и минатата недела, односно во вибер група, ученик споделил фотографија од празен тест и барал од останатите членови да му помогнат.СЕ САМОУБИ УСЕИН РАШИДОВ КОЈ СО 40 УБОДИ УСМРТИ ЖЕНА ВО КОЧАНИ
Во кумановскиот затвор се самоуби убиецот на Танкица Младеновска од Кочани, Усеин Рашидов.
Toj минатата недела на свиреп начин ја уби жената, а утринава е пронајден мртов во притворската ќелија.
Ненад Цветковиќ, директор на Затвор Куманово за МИА ја потврдува информацијата дека телото на осуденото лице е пронајдено околу 6 часот.фото Фејсбук/Гордана Сиљановска - Давкова