ФАКТОР НА ДЕНОТ: Македонија ќе набавува кинески вакцини, денес нови 444 заразени со коронавирусот

Добивај вести на Viber

ЗЕМЈАВА ЌЕ НАБАВУВА КИНЕСКИ ВАКЦИНИ 

Земјава преговара со Кинеската амбасада во земјава за набавка на кинеските вакцини. Се чекаат детали во однос на цената и испораката.

Министерот за здравство Венко Филипче вели дека нема сомеж во квалитетот на овие вакцини, кои вече беа најавени од премиерот како една од опциите.

ДЕНЕС НОВИ 444 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 2518 тестирања, а регистрирани се 444 нови случаи на ковид-19 во: Скопје-209, Куманово-26, Тетово-13, Прилеп-5, Гостивар-12, Штип-8, Битола-8, Велес-26, Охрид-26, Струмица-8, Кавадарци-32, Струга-11, Кичево-10, Свети Николе-1, Гевгелија-3, Ресен-1, Крива Паланка-3, Радовиш-5, Делчево-16, Пробиштип-3, Виница-3, Демир Хисар-1, Македонски Брод-2, Богданци-2, Кратово-3, Демир Капија-6 и Пехчево-1.

Денеска Институтот за јавно здравје регистрира 894 оздравени пациенти од: Скопје-497, Куманово-21, Тетово-49, Прилеп-30, Гостивар-14, Штип-8, Битола-6, Велес-10, Охрид-18, Струмица-7, Кавадарци-47, Струга-5, Кочани-4, Кичево-11, Свети Николе-6, Гевгелија-3, Неготино-21, Дебар-20, Ресен-4, Крива Паланка-15, Радовиш-2, Берово-12, Делчево-39, Пробиштип-4, Виница-4, Македонски Брод-1, Богданци-3, Кратово-2, Крушево-3, Македонска Каменица-16, Демир Капија-8, Пехчево-3, Дојран-1. 

ЌЕ СЕ ПОПИШУВААТ БЕЗДОМНИЦИ И ЛУЃЕ БЕЗ ДОКУМЕНТИ

Министерството за труд и социјална политика и Заводот за статистика ќе соработуваат во делот на попишување на бездомните лица и на лицата без документи.

Законот за попис е веќе изгласан, а истиот треба да се спроведе до 21 април. Заводот за статистика ќе биде организатор на статистичката операција, додека бездомниците и лицата без документи се под надлежност на МТСП.

За таа цел денеска е остварена средба помеѓу министерката Јагода Шахпаска и директорот на ДЗС, Апостол Симовски.

Христијан Мицкоски, лидерот на ВМРО-ДПМНЕ, на крајот на оваа или на почетокот на следната недела најавува старт на собирањето на потписи против Законот за попис, откако претседателот Стево Пендаровски го потпиша указот.

ДРАМА СЕ СЛУЧУВАЛА НА ПОПОВА ШАПКА

Вистинска драма се случувала вчера на Попова Шапка.

Имено, едно семејство со две малолетни деца било буквално отсечено во својата викендичка, во која веќе снемачло и струја, а снемувале и резрви со храна и греење. 

Потоа, полицијата заедно со општинските служби, ангажирале потребна механизација и ги евакуирале лицата, по што тие си заминале кон Скопје.

ЧИТАЈТЕ УШТЕ

Додека Македонија се бори со пандемијата на коронавирусот, медицински сестри со долги години искуство седат дома без работа.

Државните регулаторни тела во Македонија за работењето во 2021 планираат многу помалку приходи, односно многу помали буџети, најмногу поради падот во работењето на приватните оператори од каде што се финансираат.

Багер – гасеничар, камион – дампер, едно скипче и голем булдожер се четирите машини за кои РЕК Битола ќе плати до 3,2 милиони евра (без ДДВ). Нема тендер за закупот затоа што било крајна итност.

Државниот завод за ревизија планира годинава да го чешла трошењето на народните пари на дури 59 државни институции, јавни претпријатија, општини, здравствени установи, како и партии. Покрај тоа, ќе се испитуваат и голем број програми и мерки што државата го спроведува. Или, вкупно, државните ревизирори оваа година планираат да направат 71 ревизија.

Поранешниот заменик министер за образование, професорот Петар Атанасов во разговор за Фактор вели дека сосема се оправдани негативните реакции во јавноста во однос на најавената реформа од страна на МОН во основното образование. Смета дека предлог концептот за промена на наставните планови и програми или не е добро осмислен или има огромни слабости, кое несомнено ќе придонесе огромни потешкотии во образовните институции кои ќе треба да го спроведат тоа.

Во Владата влезе како советник на премиерот, но во овој мандат доби многу повисока позиција – тој му е заменик на премиерот и задолжен за координација на сите економски ресори. Фатмир Битиќи сепак важи за човек кој доаѓа од бизнисот – претходно гласен критичар на практиката гласот на стопанството да не се слуша, сега вели дека работат само по слухот на засегнатите.

Граѓаните сe се повеќе наклонети кон користењето он лајн канали не само за меѓусебна комуникација, туку и за извршување на секојдневните обврски, почнувајќи од поместувањето на канцелариите, училниците па се до продажните салони кои сега се на дофат и онлајн.