ФАКТОР НА ДЕНОТ: Македонија влезе во НАТО, за Шекеринска денот ќе остане во историјата

Добивај вести на Viber

МАКЕДОНИЈА ДЕНЕС ВЛЕЗЕ ВО НАТО

Mинистерката за одбрана Радмила Шекеринска во обраќањето по повод формалното зачленување на земјава во НАТO, изјави дека денешниот датум – 27 март е датум кој ќе влезе во учебниците на нашата историја. 

Вели дека тоа ќе биде датум на првиот голем успех на нашата независна и суверена држава.

„Таму ќе пишува дека на 27 март 2020 година, Република Северна Македонија стана 30. членка на НАТО – Алијансата. Со денешниот финален чин на депонирање на Северноатлантскиот договор во Стејт Департментот во Вашингтон, станавме полноправна, официјална, 30. земја – членка на најмоќниот воено политички сојуз на денешнината. Влеговме под чадорот на колективната безбедност кој штити милијарда луѓе во светот. Денешниов ден го чекавме речиси 30 години. Нека ни е честито!“– рече Шекеринска.

Таа рече дека нашата битка е влез во НАТО и ЕУ.

Шефот на македонската дипломатија, Никола Димитров и амбасадорката на САД во земјава Кејт Мари Брнс во МНР го означија последниот чин од формализирањето на нашето членство во НАТО кое се случи во Вашингтон.

Димитров рече дека им оддава признание на сите кои беа вклучени во процесот. 

Министерот рече дека во овој момент стануваме 30-та членка на НАТО. 

И ДЕНЕС НОВИ ЗАРАЗЕНИ ОД КОРОНАВИРУСОТ

Министерот за здравство, Венко Филипче денеска на прес-конференција изјави дека има нови заразени во земјава, со што вкупниот број сега е 219. 

Филипче вели дека досега се направени 1.800 тестови. Ова е од почетокот на процесот на тестирање досега. 

„Нема потреба сами да одат граѓаните, тие можат ако им е препишана таа мерка да го контактираат локалниот епидемиолог“, вели министерот за тестирањето. 

Министерот за здравство, Венко Филипче на денешната прес конференција одговори како може да се избегнат извесни проблеми кои се однесуваат на вработените кои до сега биле во домашна изолација, а кои треба да се вратат на работа.

Во Македонија до Ковид 19 се заразени три деца, од кои две се со родителите на домашно лекување, и едно на Инфективна. 

ЧИТАЈТЕ УШТЕ

Правната промена во делот на одржување на годишните собранија на акционери за време на вонредната состојба, со сите импликации што од тоа ќе произлезат за работењето на акционерските друштва, секако ќе има големо влијание на тргувањето со хартии од вредност на берзата, велат од Македонска берза за Фактор.

Денеска во Службен весник излезе Уредбата со која Владата им вели на друштавата да не одржуваат годишни собранија за време на вонредната состојба, тема што ја објавивме вчера. 

Една ноќ пред да летаат назад во Македонија дел од Македонците кои во земјава со хуманитарен лет треба денеска до пладне да се вратат од Германија немаа информација дали воопшто ќе си дојдат дома. 

За Фактор тврдат дека откако се пријавиле минатите денови, во текот на вчерашниот ден преку вибер порака биле известени за некои детали од патувањето, но не и за тоа дали воопшто ќе тргнат. 

Познатиот српски режисер Борис Малагурски за Фактор вели дека земјите од регионот не го сфатија сериозно ширењето на коронавирусот, опасноста од него, и не знае кога оваа криза ќе заврши. 

Потсетува како во рок од неколку недели Србија мораше да преземе радикални мерки. Но, последици ќе има по економиите на Балканот.

Владата теоретски би можела да финансира половина од кумулативните инвестициски трошоци на двете нови подружници на странскиот инвеститор Дура Аутомотив Системс, односно да плати и по 25 милиони евра, доколку за погоните Екстружонс и Стракшн бидат инвестирани по 50 милиони евра.

Лекции за оптимизам држат некои случувања во најразвиените економии во светот кои ургентно направија пакети стимулативни мерки како одговор на лошиот ефект на пандемијата на коронавирус. 

Сметките на граѓаните за струја за март, април и мај ќе се плаќаат на рати. Регулаторната комисија за енергетика, во соработка со енергетските компании, веќе прави анализи и бара начин како да им овозможи на граѓаните овие сметки да ги плаќаат на период од повеќе месеци.