ФАКТОР НА ДЕНОТ: Мицкоски повика на обединување, Апасиев е контра

Добивај вести на Viber

МИЦКОСКИ ПОВИКА НА ОБЕДИНУВАЊЕ, АПАСИЕВ Е КОНТРА

Претседателот на Левица, Димитар Апасиев, порача дека жестокоста во критиката не смее да попушти откако синоќа лидерот на ВМРО-ДПМНЕ, Христијан Мицкоски, обзнани мораториум на вербалните напади кон Левица и кон Движењето ЗНАМ.

„Не верувај им на ДПМНЕјците, дури и кога ти носат подароци. Термометарот на жестокоста во критиката не смее да се спушти ниту за степен!“, пишува Апасиев на Фејсбук.

БОШЊАЦИТЕ МУ ПОДНЕСОА ПРИЈАВА НА СТОИЉКОВИЌ ЗА СРЕБРЕНИЦА

Кривична пријава е поднесена против Иван Стоиљковиќ, претседател на Демократската партија на Србите во Македонија, поради зборовите кои ги употреби за геноцидот во Сребреница. 

Политичката партија Бошњачки демократски сојуз (БДС) и Бошњачки национален совет (БНС) денеска поднесоа кривична пријава против Иван Стоилковиќ, за негирање и исмејување со геноцидот во Сребреница.

БОКИ 13 БАРА ДА СЕ РАСЧИСТИ СЛУЧАЈОТ РЕКЕТ

Бојан Јовановски, шоуменот чија затворска казна за „Рекет“ е во прекин, денеска пред Основниот кривичен суд во Скопје побара да се расчисти случајот до крај.Боки 13 рече дека поднесува нови докази и ново вештачење од неговиот мобилен телефон. 

- Целиот случај „Рекет“ не е расчистен и на јавноста не и е јасно што се случувало. Барам повторно шанса да ја докажам својата невиност, рече Јовановски пред медиумите кои ги повика.

ЧИТАЈТЕ УШТЕ

ЕСМ во тек на 2021 година продал 223.500 мегаватчасови струја, на аукции за трговци, по просечна цена од 63 евра за мегаватчас. И тоа им се вратило како бумеранг! Затоа што од 7 ноември до 31 декември таа година платија 34,7 милиони евра за да купат од трговците 136.176 мегаватчасови електрична енергија. Дали е ова е еден од „најголемите деловни подвизи“ на ексдиректорот Васко Ковачевски?

Полни раце работа имаат занаетчиите во Македонија. Ако ви треба плочкар, молер, фасадер големи се шансите дека ќе треба да почекате месец или два додека да дојдат и да ја завршат работата, затоа што се презафатени.

Ланската добивка е послаба од онаа во претходната година. Но дивиденда за акционерите сепак ќе има.

Финансиската инспекција на Министерството за финансии издало лани 333 казни во висина од 9.,363.375 денари (152.500 евра) за државни институции и нивните раководители кои работеле неправилно, или злоупотребувале буџетски пари. Нешто повеќе од милион денари биле платени во рамки на осум дена од изрекувањето на „глобата“. 

Потрагата по сместување и станови под кирија во Германија е голем проблем за нашите сограѓани, особено за оние со една плата, или помали приходи.

фото Фејсбук ВМРО-ДПМНЕ