ФАКТОР НА ДЕНОТ: Неколку пациенти си одат дома, но има и нова жртва

Добивај вести на Viber

ПОЧИНА ЖЕНА ОД СТРУГА ОД КОРОНАВИРУСОТ

Почина 65-годишна жена од коронавирусот, информираше министерот за здравство Венко Филипче, нагласувајќи дека пациентката имала повеќе коморбидитети: хронично опструктивна белодробна болест, дијабетес, срцева слабост и обезност. 

Истовремено, тој информираше дека денеска од Клиниката за инфективни болести биле испишани 5 пациенти, на кои им бил направен 2 контролен тест за коронавирусот, кој е негативен. Во добра здравствена состојба се и пациентите во Дебар кои се на домашно лекување. 

Пациентката од Охрид која синоќа почина на скопската Клиника за гинекологија има негативен тест за корона вирус.кој и беше направен посмртно.

Михаела Јаневска е млада девојка од нашата земја која се избори со КОВИД-19. Всушност таа е пациентката која во летот од Барселона за Скопје, патуваше со маска и ракавици и одвоена од другите патници, поради тоа што чувствувала симптоми на коронавирус, и веднаш се пријави на Инфективната клиника во Скопје.

Излекувани се вкупно 17 лица од коронавирус во земјава. 

ЕКОНОМСКИТЕ МЕРКИ НА ВЛАДАТА ТРПАТ КРИТИКИ

Екс министерот за економија и професор, Трајко Славевски, смета дека предложените мерки на Владата поради кризата со епидемијата на коронавирусот треба да се преиспитаат со цел да се намали ударот врз граѓаните и стопанството. 

Вели дека тие се недоречени и конфузни.

ЧИТАЈТЕ УШТЕ

Апостол Симовски, директорот на Заводот за статистика, не очекува рапидно зголемен наталитет за девет месеци во Македонија само поради тоа што населението во моментов седи дома поради корона-вирусот и има забрани за движење.

- Дај боже, тоа добро ќе ни дојде, но не очекувам бог знае каков пораст на наталитетот. Фертилното младо население мигрира во странство. Тоа пак што границите сега се затворени неме да ги спречи младите да се иселуваат, бидејќи повторно ќе се отворат и тоа нема да им ги расипе плановите, изјави првиот статистичар за „Фактор“.

Добро е што ги има, ама лошо е што овие економски стимулации најверојатно нема да се доволни. Економските аналитичари кои ги консултираше Фактор велат дека предложениот сет економски мерки ќе залечат некои рани на ранетото домашно стопанство, но предупредуваат дека ситуацијата треба будно да се следи и да се носат, ако е потребно, и нови пакети помош, затоа што според очекувањата, оваа криза ќе зафати голем дел од домашната економија. 

Никој не знае колку ќе трае оваа криза - ако е пократко тогаш последиците ќе се помали, ако не катастрофални.

Поради корона кризата приходите во буџетот годинава ќе паднат меѓу 20 и 40 отсто отсто, а тоа ќе доведе до дупка меѓу 700 милиони евра и 1,3 милијарди евра, покрај првично планираниот дефицит од 300 милиони евра, соопшти министерката за финансии Нина Ангеловска. 

За да им се помогне на компаниите во време на криза, неопходно е да се носат брзи мерки, и да не се чека предолго, вели за Фактор Сашо Наумоски, директор на прилепска „Витаминка“.