ФАКТОР НА ДЕНОТ: Невреме повторно ја зафати Македонија, оштетени покриви, автомобили, навалени бандери, паднати дрвја
Објавено во: Македонија 27 Јуни, 2024
ПОВТОРНО ИМАШЕ НЕВРЕМЕ ВО МАКЕДОНИЈА
Силен дожд, ветер и град имаше во Скопје.
Од Центарот за управување со кризи(ЦУК) информираат дека добиле пријави и известувања за паднати и навалени дрва, како и скршени гранки, скинати проводници, навалени бандери и други проблеми со електрични, интернет и телефонски кабли.
Имало пријави и за поплавени куќи, подрумски простории, гаражи и улици. Во делови од градот имало и проблеми во снабдувањето со електрична енергија, оштетени покриви, скршени стакла и откачени лимови и олуци од куќи и згради.БУГАРСКИТЕ ВЛАСТИ ПОТСЕТУВААТ НА ОБВРСКАТА ЗА УСТАВНИ ИЗМЕНИ
Бугарија ќе бара заклучоци за Северна Македонија во Брисел. Бугарските власти реагираат затоа што нема уставни измени во земјава со кои Бугарите ќе бидат внесени во Уставот.
„Очекувам Северна Македонија да ги почитува договорите и ќе ги потсетам европските колеги какви обврски беа преземени уште на 18 јули 2022 година кога беше усвоена Преговарачката рамка и какви се Патоказите за прием на земјата во ЕУ“, изјави бугарскиот премиер Димитар Главчев при пристигнувањето на денешниот прв ден од Самитот на ЕУ во Брисел.
Тој нагласи дека ќе ги информира европските лидери какви се состојбите и што досега беше усвоено во однос на ова прашање.МИНИМАЛНО ПОСКАПУВАЊЕ НА СТРУЈАТА
Марко Бислимовски, претседателот на Регулаторна комисија за енергетика, денеска официјално објави дека од 1 јули цената на електричната енергија за домаќинствата се зголемува за половина процент.
За домаќинствата од прв и втор блок, односно оние кои не навлегуваат во третиот блок, пресметките велат дека нвните трошоци се зголемуваат за 0,4 проценти.ЧИТАЈТЕ УШТЕ