ФАКТОР НА ДЕНОТ: Нов рекорд на заразени, не е исклучена можноста и за нови мерки

Добивај вести на Viber

ЗА 24 ЧАСА ИМАМЕ НОВ РЕКОРД НА ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 2748 тестирања, а регистрирани се 934 нови случаи на ковид-19 во: Скопје-420, Куманово-35, Дебар-5, Штип-20, Прилеп-61, Тетово-58, Струга-5, Велес-82, Битола-33, Охрид-23, Кавадарци-19, Гостивар-18, Гевгелија-13, Струмица-30, Крива Паланка-4, Радовиш-7, Крушево-2, Кочани-22, Пробиштип-8, Демир Хисар-2, Пехчево-1, Берово-6, Валандово-1, Виница-2, Делчево-4, Кратово-4, Свети Николе-13, Кичево-20, Ресен-6, Неготино-8. 

Денеска Институтот за јавно здравје регистрира 454 оздравени пациенти од: Скопје-273, Куманово-15, Штип-15, Прилеп-16, Тетово-21, Струга-8, Велес-5, Битола-4, Охрид-8, Кавадарци-6, Гостивар-11, Гевгелија-7, Струмица-17, Крива Паланка-2, Радовиш-10, Кочани-9, Пробиштип-1, Демир Хисар-2, Берово -4, Валандово-2, Свети Николе-1, Кичево-8, Ресен-6 и Неготино-3.

НАЌЕ ЧУЛЕВ Е ПОЗИТИВЕН 

Екс министерот за внатрешни работи и директор на Агенцијата за разузнавање, Наќе Чулев, е позитивен на Ковид-19.

Тој информацијата ја објави на Фејсбук. 

АКО ВАКА ПРОДОЛЖИ МОЖНИ СЕ НОВИ МЕРКИ

Првиот човек на Комисијата за заразни болести, доктор Жарко Караџовски во емисијата Трилинг на 24 вести објаснува дека размислуваат за сите мерки вклучувајќи локално, регионално па дури и целосно затворање на државата.

„Прво да видиме дали новите мерки кои се донесени ќе дадат резултати. Најлесно е да предложиме  карантин на целата територија – вели претседателот на Комисијата.

Тој за Трилинг открива дека  лицата кои најчесто се заразуваат се на возраст помеѓу 20-40 години и дека тие се оние кои го шират вирусот.

СОНК БАРА НА НАСТАВНИЦИТЕ ДА ИМ СЕ ИСПЛАТАТ ПРЕКУВРЕМЕНИТЕ ЧАСОВИ

Синдикатот за образование и наука, СОНК, бара Министерството за образование и наука да ја преиспита одлуката за настава со физичко присуство, односно да им овозможи на наставниците кои се од ризичните групи граѓани да ја изведуваат наставата од дома. „Хронично болни наставници секојдневно до работа патуваат со автобус и се изложени на огромна опасност од заразување, особено постарите наставници“, вели Јаким Неделков од СОНК.

Овој Синдикат бара од директорите, по барање на наставниците да им дозволат да работат од дома и во октомвриската плата која треба да ја добијат на почетокот на ноември, да бидат пресметани дополнителните часови.

„Сите паралелки кои бројат над 20 ученици, мора да се поделат на две групи, што значи удвојување на работата на наставниците. Бараме од директорите оваа дополнителна работа да ја пресметаат и да ја стават во вид на додаток на плата, поради прекувремената работа“, вели Јаким Неделков од СОНК.

ЧИТАЈТЕ УШТЕ

Во земјава има околу 28 илјади граѓани кои во домашните банки чуваат суми од над 30.000 евра. Ова го покажуваат податоците во последниот извештај на Фондот за осигурување на депозити, кој се однесува заклучно со првите шест месеци од оваа година.

Бројот на позитивните на корона вирусот два дена по ред е над 800, но тоа што посебно ги загрижува матичните лекари е дека имаат многу повеќе пациенти кои покажуваат симптоми на ковид, но никако не можат да им закажат термин за тестирање во државните лаборатории.

Во корона услови една од трите најголеми банки држи темпо како и лани. Нето приходите од камати на „Стопанска банка Скопје“ се намалени само за 2 отсто, резервациите се зголемени за 22 отсто, кредитирањето порасна за речиси 100 милиони евра.

Регулаторната комисија за енергетика не отстапува. Ја проширува акцијата и бара државата да дозволи повеќе граѓани кои се погедени од ковид кризата да добиваат субвенции, олеснувања за заштита од енергетска сиромаштија.

Денеска почна закажувањето за правење брзи тестови кои детектираат корона вирус, а интересот е толку голем што термините се пополнети до 10.ноември. Директорот на Здравствен дом-Скопје, д-р. Виктор Исјановски за Фактор вели дека тестирањето почнува од понеделник од 8 часот.

Оваа година Брејнстер запиша рекордни над 1.000 студенти и има 150 едукатори. Пет години од основањето, оваа едукативна програма е една од најпрепознатливите во земјава. Во тоа време 4.000 студенти стекнаа вештини и знаења низ академиите, а дополнителни 5.000 низ кратките курсеви.

Вицепремиерот за економски прашања Фатмир Битиќи се уште не поднел Анкетен лист за својата имотна состојба и за тоа што поседуваат неговите најблиски во Државната комисија за спречување на корупција и судир на интереси.

Во Македонија во руралните средини на истокот може да се купат евтини куќи.