ФАКТОР НА ДЕНОТ: Нови 66 позитивни, Дебар се нормализира, за Куманово нема карантин

Добивај вести на Viber

ВО МАКЕДОНИЈА ДЕНЕС ИМА НОВИ 66 ПОЗИТИВНИ

Денеска се регистрирани 12 оздравени пациенти од Скопје кои се лекуваа во домашни услови, а кои по два контролни теста се негативни на коронавирусот.

Ова го објави министерот за здравство Венко Филипче.
Во изминатите 24 часа се потврдени 66 нови случаи на Ковид-19. По градови се следниве: Скопје-10, Куманово-27, Штип-3, Прилеп-4, Тетово-5, Струга-4, Велес-2, Охрид-5, Гостивар-1, Кочани-3 и Неготино-2.
Со ова вкупната бројка на дијагностицирани пациенти со Ковид-19 во нашата земја изнесува 974 лица. Во изминатото деноноќие направени се 500 теста.
За пациентка која пред два дена почина во ГОБ „8 септември“ денеска е пристигнат резултат на брис кој покажал присуство на Ковид-19. Пациентката на возраст од 76 години, од Скопје, била хоспитализирана во болницата со симптомите на вирусот.

ВО ДЕБАР НЕМА НОВИ ЗАРАЗЕНИ

Во градот Дебар се зголемува бројот на оздравени од Ковид 19.

Веќе 12 дена нема нови заразени со коронавирусот.

Порача дека граѓаните не треба на состојбата да гледаат со триумфализам, туку и понатаму да бидат дисциплинирани и да ги почитуваат мерките кои ги наложи Владата. 

ЗАСЕГА НЕМА КАРАНТИН ЗА КУМАНОВО

И денеска нема одлука Куманово да се стави во карантин.

По состанокот што Централниот кризен штаб го имаше со локалните власти во Куманово, прашањето ќе биде дискутирано и во Владата.

ПРЕДВРЕМЕНИ ПОРОДУВАЊА, ПОЧИНАА ПЕТ БЕБИЊА

Клиниката за гинекологија и акушерство информира дека од 9 до 13 април починале пет предвремно родени бебиња. Од ГАК информираат дека во последните седмици е забележан зголемен број на предвремени породувања

-Бременоста и во нормални околности е проследена со осцилации во емоциите, често е придружувана со зголемена чувствителност и вознемиреност, а очекувано е Ковид-19 да предизвикува нагласена загриженост кај бремените жени. Поради тоа, не е исклучено психолошката состојба на трудниците да има свое влијание и врз поголемиот број на предвремени породувања, во однос на вообичаениот, велат од ГАК.

Станува збор за предвремено родени бебиња со екстремно мала родилна тежина и со екстремна незрелост. 

КАЗНИ ЗА ОНИЕ КОИ НЕ ГО ПОЧИТУВАА ПОЛИЦИСКИОТ ЧАС ВО ЧЕНТО

Дури по 5.000 евра ќе платат тројцата од Синѓелиќ кои не го почитувале полицискиот час и за кои се крена голема бура во јавноста.

ЧИТАЈТЕ УШТЕ

Од парите кои земјава ги очекуваше од меѓународните кредитори и институции, засега се обезбедени само 176,5 милиони евра од Меѓународниот монетарен фонд. Сите други планирани средства се очекува да стигнат подоцна, во мај или во јуни оваа година.

Страшо Милковски, претседателот и сите членови на Управниот одбор на „Гранит“ предложија на акционерите да одобрат половина милион евра за награди на менаџерскиот тим и на раководниот кадар во најголемата македонска градежна компанија. 

„Гранит“ направи потег вреден за внимание затоа што е единствена компанија ( од оние чии акции котираат на берзата н.з.), а дала предлог за наградување на менаџери и раководители.

Во период на пандемија, клиниките во Скопје, дел од своите капацитети ги пренасочуваат на Клиниката за инфективни болести, но и во вакви услови, кога има приоритети, работата се одвива непречено, говорат за Фактор дел од раководните лица од неколку скопски клиники.

Живееме во исклучително тешки времиња кога државата се соочува со пандемија на коронавирус, а токму здравствените работници се оние кои се на првата борбена линија во заштитата на јавното здравје. 

Во такви услови, бизнис секторот е ставен пред предизвик на кој начин ќе им помогне на медицинските работници во справувањето со оваа здравствена криза.