ФАКТОР НА ДЕНОТ: Нови случаи на делта сој во Македонија, можно е да има рестриктивни мерки

Добивај вести на Viber

ПОТВРДЕНИ НОВИ СЛУЧАИ НА ЗАРАЗЕНИ СО ДЕЛТА СОЈОТ

До крајот на неделава, членовите на Комисијата за заразни болести ќе дискутираат дали сегашната состојба бара воведување некакви рестриктивни мерки, најави денеска министерот за здравство Венко Филипче. Поради детектирањето на делта варијанта кај неколку случаи министерот истакна дека можно е воведување мерки на границите при влез во Северна Македонија.

Министерството за здравство информира, согласно податоците од Институтот за јавно здравје, дека во последните 24 часа се направени 2.743 тестирање, а регистрирани се 9 нови случаи на КОВИД-19:

Тетово – 6, Гостивар – 2 и Охрид – 1.

Регистрирани се 10 оздравени пациенти од: Скопје – 5, Струмица – 3, Крива Паланка и Кичево – по 1.

Министерот за здравство, Венко Филипче, денеска соопшти дека од понеделник во Македонија ќе се дозволи вакцинација на младата, односно школската популација од 12 до 16 години.

ДО ПЕТОК РЕЗОЛУЦИЈАТА ЌЕ БИДЕ ПОДНЕСЕНА ВО СОБРАНИЕТО

Резолуцијата многу скоро ќе се најде пред народните избраници. 

До крајот на неделата ВМРО-ДПМНЕ до Собранието ќе ја поднесе Резолуцијата за евроинтеграцискиот пат на Македонија. Ова денеска го најави пратеникот од редовите на ВМРО-ДПМНЕ, Тимчо Муцунски. Вели дека донесувањето на оваа Резолуција е во интерес на сите граѓани. 

ВО ГРЦИЈА РАСТЕ БРОЈОТ НА ЗАРАЗЕНИ, ВО РЕГИОНОТ СТРАВ ОД ДЕЛТА СОЈОТ

Се зголемува бројот на заразени со коронавирусот во Грција. 

Денес има повеќе инфицирани од вчера. Во Грција се регистрирани нови 1.820 случаи на коронавирусот.  Има 1.061 случај во Атика, 172 се на Крит, 51 во Солун, 50 во Јанина, 18 во Коринт, 14 на островот Миконос (кој веќе е во третата портокалова зона), 12 на Крф, пет на Халкидики итн. Од новите случаи 21 е „увезен”, од кои шест се откриени на влезните точки во земјата.

Последен пат, над 1.800 новозаразени во Грција имаше на 1 јуни годинава. Од почетокот на пандемијата во земјата, од вирусот починаа 12.763 лица, а потврдени се 430.960 позитивни случаи.

Страв од зголемување на бројот на заразени има и во Србија, каде ќе се зголемуваат болничките капацитети. 

Во разговор за Фактор, еден од најистакнатите експерти од областа на имунологијата, д-р Александар Петличковски, директор на Институтот за имунологија, вели дека вакцината е основната алатка во борбата против корона вирусот. 

Се комплицираат ли работите за изградбата на автопатот Кичево-Охрид? Откако објавивме вчера дека парите кои се предвидени за надзорот на довршувањето на делниците долж Коридорот 8 на овој потег, се нова ставка односно поскапување на изградбата, дознаваме дека со кинеската компанија Синохидро се уште не е постигнат конечен договор и за пролонгирањето на крајниот рок.

Членовите на Владата и нивните гости без лимит се гостеле на Преспанскиот форум за дијалог во Охрид и Отешево. Службените трошоци за угостителски услуги немале лимит, затоа што Владата непосредно пред настанот донела таква одлука на 23 јуни на владина седница.

Битолската Млекара и понатаму останува број еден по пазарно учество (покрива третина од целиот пазар н.з.) и е неприкосновена според остварениот профит.

Хрватскиот гувернер Борис Вујчиќ, кој е во посета на нашата Народна банка, смета дека криптовалутите, меѓу кои се биткоинот и етерумот, всушност и не се валути, туку се еден вид имот.

Откако до пратениците стигнаа предлог законските измени на законите за работни односи и за трговија, со кои недела се прогласува за неработен ден, дел од бизнис заедницата вели дека генерално се согласува со нив и смета дека работникот навистина треба да се награди за работењето во недела.